Sunday, June 25, 2017

የሰለመ ንጉሥ አልነበረንም መልስ ለወንድወሰን ተክሉ ጌታቸው ረዳ (ኢትዮጵያን ሰማይ አዘጋጅ Ethiopian Semay)

የሰለመ ንጉሥ አልነበረንም
መልስ ለወንድወሰን ተክሉ
ጌታቸው ረዳ (ኢትዮጵያን ሰማይ አዘጋጅ Ethiopian Semay)


እንደመን ሰነበታችሁ? አንድ ርዕስ ለመስራት ስዘጋጅ አንባቢን የሚበክል ዓይን ያወጣ ውሸት ሲሰራጭ ሕዋሳቶቼን ይፈታተኑትና ርዕሴን ትቼ ያላሰብኩበትን ትችት ውስጥ ተጎትቼ እገባለሁ። ባለፉት ወራቶች ውስጥ እየሆነ ያለው እንዲህ ያለ የብከላ ጥበብ /ሳብቨርስ/ ብዛት እየተሰራጪ ነው።

ትንናንት June 17, 2017 አቶ ወንድወሰን ተክሉ የተባሉ ንጉስ ነጋሽ [አል-ነጃሺ]እና የእስልምና አነሳስ በኢትዮጵያ [በወንድወሰን ተክሉ] June 17, 2017 | by ethioexploreradmin Source: http://amharic.abbaymedia.com/archives/30763 በሚል ርዕስ አባይ ሚዲያ በተባለ በግንቦት 7 የመናፍሕ ማሰራጫ ድረገጽ ላይ ያሰራጩትን በምንም መልኩ “አገራዊ ማስረጃ” የማይገኝለትን የታሪክ ብከላ አስነብበውናል።


ጸሐፊው የብከላ ጹፋቸው የጀመሩት ንጉሥ ነጋሽ (አል-ነጃሲ) (ዓረቦች የሚጠቀሙበት ዓረባዊ ቃል ለምን እንደሚጠቀሙ ባይገባኝም) በኢትዮጵያ የነገሥታት ታሪክ ውሰጥ ተዘግቦ የማይታወቅ ስም ነው። ይህ ብከላ አሁን አልጀመረም። የቆየ ነው። በኢትዮጵያ ታሪክ ውስጥ እስላም የነበረ ወይንም ክርስትያን ኖሮ ወደ እስልምና የተከተለ ንጉሥ በፍጹም በታሪካችን፤በቅርጻችን፤ በነበሩ የወቅቱ ገንዞቦቻችንና ቤተመንግሥቶቻችን ወይንም በነብዩ መሐመድ እና “በንጉሥ አድርአዝ” መካከል የተለዋወጠጧቸው ደብዳቤዎች ውስጥም ይሁን እስላማዊ ንጉሥ እንደነበረ በተላለፉልን ቅሬቶች ላይ ምልክት/ምንጭ አናገኝም።
ወያኔ ከመጣ ወዲህ፤ግብረሰዶማዊያንም ሆኑ ጽንፈኛ እስላሞችና የተለያዩ ጽንፈኛ ጸረ ኦርቶዶክሶች፤ የኦርቶዶክስ ተዋህዶ ቤተክርስትያን የታሪክ ባለቤትነትም ሆነ ማንነት ለመጻረር፤ለመንጠቅ፤ለመበከል ሲሉ ብዙ ሙከራዎች እየተከሰቱ ነው። እስላማዊ ንጉሥ ነበረ አልነበረ ለኔ ትርጉም የለውም። ለብከላ፤ ለክፋት ተብሎ የሚሰነዘር የታሪክ ነጠቃ መፍቀድ የለብንም። ግን ታሪክ በታሪክነቱ መመዝገብ አለበት። ማወቅ ያለብን ግራኝም ነግሦ ነበር’ኮ (አነጋገሡ ግን ያው ክርስትናን ለማጥፋት ነበረ እንጂ። ስለነበረም - አሁን ያለው ብዙውን ያገራችን እስላም የግራኝ የሰይፍ ውጤቶች ናቸው።) ሆኖም የተጠቀሱ ጽንፈኞችና የመሳሰሉ ተገንጣዮችና ግራ ዘመም ፖለቲከኞች፤ እንዲሁም የውጭ ሃይላት፤ የተለያዩ ብከላዎችና ነውሮችን በማስፋፋትና በመበከል የተዋህዶ ቤተክርስትያንን ታሪካዊ ባለቤትነት “ማኦይስቱና ማሌሊቱ” ጸረ ኦርቶዶክሱ ወያኔ ከነገሠ ጀምሮ ብከላው በድብቅ ሳይሆን በአደባባይወጥቷል። በብከላው ዘመቻ አስፋፊዎች በኩል የተበከሉት አንዱ እኝህ ከእኛ እምነት የሆኑ ክርስትያናዊ (? ካልሆኑ ይቅርታ) ከላይ የተጠቀሱ ጸሐፊ ናቸው።
 

ወቅቱ ረዘም ያለ (ባለስታውሰውም) ቢሆንም ፤ ይህ ነገር በአሜሪካ ድምፅ ቪ ኦ ኤ ትግርኛ ክ/ጊዜ በስፋት ውይይት ተደርጎበት እንደነበረ አስታውሳለሁ። በዚያው ወቅት የቀረቡትን ምሁራን ባስታወስኳቸው ነገሮች እየቀነጨብኩ ላቀርብላችሁ ነኝ። እኔም የማምንበት አቅጣጫ ስለነበረበት።

ከጥቂት አመት በፊት ግርማይ ገብሩ የተባለ የአሜሪካ ድምፅ የትግርኛ ዘጋቢ፤ ይህንን በሚመለከት በፕሮግራሙ ዝግጅት ያቀረበው ላስታውሳችሁ። የኢትዮጵያ ኦርቶዶክስ ተዋህዶ ቤተክረስትያን፤ብከላ ሲበዛባት “ሕዝብ ሊያውቀው የሚገባ እውነታ” የሚል መግለጫ አውጥታ እንደበር እናስታውሳለን። በዚያው መግለጫ ውስጥ እንዲህ ይላል።


“በ6ኛው/7ኛው ክፍለ ዘመን እስላምና የተቀበለ ንጉሥ እንደነበረ ባሁኑ ወቅት በተደጋጋሚ እየተነዛ ያለ ጉዳይ ስለሆነ ይህ ደግሞ ያልተፈጠረና የማይታሰብ ጉዳይ መሆኑን ሕዝብ እንዲያውቀው ያስፈልጋል። በተጠቀሰው ወቅት፤ በኢትዮጵያ ታሪክ ውስጥ እስላም የነበረ ንጉሥ ወይንም ክርስትያን የነበረ ያሰለመ ንጉሥ እንደነረ በጉምጉምታ ይነገር እንደነበር ቢታወቅም፤ ባሁኑ ባለንበት ወቅት ግን በግልጽ ከተለያዩ ወገኖች በጽሑፍ መግለጫና ተቃውሞ እየተሰጠ ነው።


ኦርቶዶክሲያዊት ኢትዮጵያ ከ3ኛ ከ/ዘመን እስከ 13ኛው ክ/ዘመን ነግሠው የነበሩ ነገሥታቶች ሥም ዝርዝራቸው በጽሑፍ በመመዝገብ ማቆየቷ የታሪክ እውነታ ነው። በዚያው ወቅት “አልነጋሺ” ወይንም “አሕመደል ነጋሽ” የተባለ ንጉሥ እንዳልነበረም። ነበረ ብሎ ማመን የተፋለሰ ታሪክ መሆኑ አዲሱ ትውልድ መረዳት አለበት።” ብላለች።


ዓረቦች የኤርትራን ምድራዊ ቀጠና ዓረባዊ ነው ብለው በካርታቸው እንዳስገቡት ሁሉ (ዛሬም በካሃዲው በትግራይ ተወላጁ በኢሳያስ አፈወርቅ ዛሬም ያንን ለማስቀጠል የዓረብ ሊግ አባል እንደሆነው ሁሉ፤ የዓረብ ጸሃፊዎችም በሃይማኖት ጣልቃ ገብነትም በቆየው ጥንታዊ ሴራቸው ለእንዲህ ላሉ “ተበካዮች” ሲገልጹ አሰለመ ወይንም እስላም ነበር የሚባለው “አስሓማ ኢቡር አድሑር” የሚባል ንጉሥ ነው። ይሉዋቸዋል (እንደ እነ ኢትዮጵያዊው ቡሽራ ሸኽ ያሕያ ዓይነቶቹ ያንን “የፈጠራ” ስም ከዓረቦች ቀድተው ተጠቅመውበታል)። ማን ነው “አስሓማ ኢቡር አድሑር” የሚባለው? ሲባሉ ደግሞ እነ ቡሽራ ሸኽ ያሕያ “ንጉሥ አድርአዝ” ብለው የሚጠሩት ንጉሥ ነው “አስሓማ ኢቡር አድሑር” ማለት ሲሉ ጽፈዋል። ከላይ የተጠቀሱት አቶ ወንድወሰን የተባሉ ጸሐፊ “አሕመደል ነጋሽ” የሚል ባይጠቀሙም (አልነጋሺ) የሚበላውን ነው እስላም ነበር የሚሉን። ያውም ጸሐፊው ያለ ምንም ሰቀቀን አሰለመ ወይንም እስላም ነበር የተባለው ንጉሥ ብዙዎቹ ነገሥታት ከነገሡበትና ከሚቀበሩበት መናጋሻ ከተማው ከአክሱም ውጭ እንደነበረ ሲገልጹ እንዲህ ይላሉ፤


“በትግራይ ክልል በውቅሮ ወረዳ ከውቅሮ ከተማ 11 ኪሎሜትር ርቅት ላይም ከተሰደዱት 15 እስላም ስደተኖች ሬሳ አብሮ ከእስላሞቹ ጋር ሬሳቸው ተቀብሯል።” ሲሉ ብከላቸውን አሰራጭተዋል። ያውም ጸሐፊው ‘እስላማዊ የዓረብ/የመካ/ ስደተኞችን” ያስተናገዱ ንጉሥ ከማለት ይልቅ “እስልምና” ወደ ኢትዮጵያ “እንዲመጣ የፈቀደ” ንጉሥ ነጋሽ እያሉ፤ በዕቅድ አቅደው እስልምና እንዲመጣ እንዳደረጉ ነው የጻፉት”። ንጉሡ መጠለያ ስለተጠየቁበት ነበር የፈቀዱት እንጂ እስላሞች ስለሆኑ ወይንም ስላልሆኑ አይደለም የፈቀዱት፡ ወይንም እስልምና ለማስፋፋት ፈቃድ ለመጠየቅ አይደለም የመጡት/የተፈቀደላቸው። ሃይማኖት ባይሆንም ማለትም፤ ሌላ መነሻ ኖሮ ቢሆንም ከመፍቀድ አይቦዙኑም ነበር። ስለሆነም ከሃይማኖት ጋር የመፍቀድ አለመፍቀድ ባይያያዝ ጥሩ ነው (በነብዩ ደብዳቤዎች ውስጥ ሃይማኖት ነክ አይጠቅስም)። ይህ ንጉሥ (አድርአዝ) ነው አሕመደል ነጋሽ (አል ነጋሺ/ንጉሥ ነጋሽ) የሚባለው እያሉ የጻፉትን በዝርዝር ቆይተን እንገባበታለን።


ይህ ብከላ ወያኔዎች ሆን ብለው በሚዲያቸው በቴ/ቪዥን፤ራዲዮና በጋዜጦቻቸው፤በ7ኛው ክ/ዘመን አሕመደል ነጋሽ (አል ነጋሺ) የሚባል እስላማዊ ንጉሥ ነበር የሚሉ ብከላዎች በአክራሪዎቹ በኢትዮጵያዊው በእነ ዑስታዝ አሕመድ በኩል (ዛሬ ክርስትያን ይጥፋ እያለ ካሰውዲ በእስላሞቹ ፓልቶክ የሚሰብከው ሽብርተኛ) ተዋናይነት በኩል በማሰራጨት ብከለው ሲያበረታታ እንደነበር የምናስታውሰው ነው (ሌላ ቀርቶ ቢላል የሚባለው ቲቪ/ራዲዮን (“እዚህ ውጭም አገር ያንኑ ያሰራጭ ነበር” ከኢትዮጵያ ሚዲያ ባገራችን ካርታ አናት ላይ ኮከብ እና ጨረቃ ምልከት በማስቀመጥ “ወያኔ” ብከላቸውን ሲፈቅድ እንደነበር ይታወቃል)። ይህ ወደኋላ ስለምመጣበት አሁን ወደ አቶ ወንድወሰን ተክሌ ስመለስ፤ ኦቶ ወንድወሰን እንዲህ ይላሉ፡


“እንደ ዜና መዋእለ ነጋሽ ታሪክ ከሆነ ከዓረቢያ ምድር የመጡት 15ቱ ዓረብ እንግዶች እምነት በአንድ ክፍላተ ዓለሙን [ዩኒቨርስ] በፈጠረ እማይታይ፣እማይጨበጥ ፈጣሪ አምላክ እንደሚያምኑ መግለጻቸውን ያትታል።” ይላሉ።


“መዋእለ ነጋሽ” የሚባል እኔ ለመጀመሪያ ጆሮየ ነው እየሰማሁ ያለሁት። በቤተክርስትያኒቷ የታሪከ ነገሥት/የነገሥታት ታሪክ በየትኛው እንደተገኘና ጸሐፊው ማን መሆኑን ቢገለጹልን እንማርበታለን።
ቀጥለውም እንዲህ ይላሉ፤’


“በ613 ዓ.ም ነቢዩ መሀመድ የእስልምናን እምነት ባወጁበት ወቅት ወገኖቻቸው ጣኦት አምላኪዎች አልተቀበላቸውም ነበርና ከመካ መዲና ለመባረር ቻሉ። የመካ መዲና ሕዝብም በተከታዮቻቸው ላይ ጦርነት በማወጁ እሳቸውና ተከታዮቻቸው ጭንቅ ውስጥ ገቡ ። ……….በትግራይ ክልል በውቅሮ ወረዳ ከውቅሮ ከተማ 11 ኪሎሜትር ርቅት ላይም ይህንን የእስልምናን ወደ ኢትዮጵያ መምጣትን የፈቀደን ንጉስ ነጋሽ ለማስታወስና ለመዘከር አል-ነጃሺ መስጊድ ተገነባ። መስጊዱ በእስልምና እምነት ተከታዩች ዘንድ ከኢትዮጵያ ከአፍሪካ በአንደኝነት ደረጃ ከዓለም ከመካ መዲና እና ከኢየሩሳሌም ቀጥሎ በ3ኛነት ደረጃ ላይ ያለ ቅዱስ ስፍራ እንደሆነ ይታመንበታል።” ብለዋል።


እኔም ቦታው በደምብ አውቀዋለሁ። ስለ ንጉሡ በዚች እጅግ በጣም ትንሽ ገጠር ሬሳው አብሮ ከእስላሞቹ ጋር መቀበር እጅግ አስገራሚ ነው። ንጉሡ እዛው ሥፍራ ይኖር ነበር? ወይስ አክሱም ከተማ? አክሱም ከሆነ (ሁሉም ነገሥታቶች መዲናቸው እንደሚያደርጉት ሁሉ) ንጉሡ ሲሞት ወዲያውኔ ይቀበራል እንጂ ከሁለት/ሦስት ቀን የእግርና/የጋማ/የአጋሰስ ጉዞ ወደ እሚፈጅ አድካሚ ርቀት ወደ “ውቅሮ” ከተማ ለቀብር ተጉዟል ለማለት ከሃይማኖታቸው ሕግ አንጻር አያስኬድም። ነበር ከተባለስ እዚያው አካባቢ ተመሳሳይ መስጊዶች ሌሎች መስጊዶች ለምን አልተገነቡም? ንጉሡ አልነጋሺ ከተማ/ውቅሮ/ ነበር የሚኖሮው ከተባለ ደግሞ፤ እንደ ንጉሥ ሲኖርበት የነበረ ቅሪት /ቤተመንግሥት/ገንዘብ/ እስላማዊ የንጉሡ ማመላከቻ አሰር/ኮቴ/ አንዲት ነገር የለም። ጸሐፊው የንጉሡ “አድራዝ” (ንጉሥ ነጋሽ ብለው የሚጠሩት ጸሐፊው) ሬሳ መኖሩን መስጊዱ ይነግረናል ብለዋል። ምን ተብሎ እንደተጻፈ እና ጸሐፊውንም ሆነ በመቃብሩ ላይ ምን እንደሚል አልነገሩንም፤የተጻፈውስ መቸ ነው? 15ቱ ሬሳዎች በአንድ ጉድጓድ ናቸው የተቀበሩት? ወይስ ለየብቻ? ለየብቻ ከሆኑ “የንጉሡ” መቃብር አቶ አስፋወሰን ተክሉ ወይንም አቻዎቻቸው በፎቶግራፍ ቀርጸው ያሳዩን።


ይህች ትንሽ ዳገት ላይ ተጠግታ የተገነባች መስጊድ (ገጠር) እንኳን የጊዜው ገናና ንጉሥ የሚያክል ሊኖርባትና ሊቀበርባት ቀርቶ ‘ዛሬም’ እጅግ ትንሽ የሆነች ብቸኛ የገጠር መንደር ነች። በስፍራው ንጉሳዊም ሆነ ጥንታዊ ቅርስ የሚባል ተፈልጎ አይገኝባትም። ለብቻዋ ተነጥላ በመኪና መጠምዘዣ ትንሽ ዳገት ዳር ተጠግታ የምትታይ አንዲት “ትንሽዬ” መስጊድ ብቻ ነች (አሁን በቀለም በግንብ አሳምረዋታል)። ከዓለም ሦስተኛ የሚያደርጋት ቅዱስ ስፍራ ነገር ሊኖራት ይችል ይሆናል። ሆኖም እስላማዊ ንጉሥ የተቀበራበት አካባቢ ሆና ብትሆን ኖሮ ልክ ሐረር 4ኛ እስላመዊ ቅዱስ ሥፍራ እንደምትባለዋና እንድታበልም ምክንያት የሆነው (the greatest concentration of Mosques per Square Kilometer/ km2/) ሐረር ውስጥ የሚገኙ የመስጊዶቹ እጨቃ/መጨናነቅ ከሌለው እስላማዊ/ዓረባዊ አገሮች ሲወዳደር (መረጃየ ካንድ የፊልም ዘጋቢ “በደርግ አስተዳዳር ዘመን” የተሰራ የፊልም ዘገባ ያገኘሁት ነው) እጅግ የታጨቁ መሆናቸውን የሚያሳየን ምክንያት፤ከሌሎቹ ከተሞቻችን ብዙ እስላም ተከታዮችና መሪዎች ስለሚኖሩባት ነው (ከሌሎች ምክንያቶች ተጨምረው)። ወደ ትግራይ አልነጋሺ መስጊድ ስንመለከት ግን ይህንን መሳይ የመስጊዶች እጨቃ/ብዛት/ ቀርቶ ካጠገቡም ሌላ መስጊድ አልታየም፤አለነበረም። ንጉሡ እስላም ከነበረ፤ ቤተክረስትያናትና ገዳማት ልክ እንደ ክርትያን ንጉሦች በብዛት በርካታ መስጊዶች መግንባት ይችል ነበር። ንጉሥ እስላም ከነበረ የተቀበረበት አካባቢም ሆነ ባገሪቱ ላይ እንደ መስጊዷ የመሳሰሉ በርካታ መስጊዶችና ተከታዮች እንመለከት ነበር። ግን ያ የለም። \
ስለሆነም፤ አቶ ወንድወሰን ተክሉ፤--


“በዚህ ታሪካዊ እና ጥንታዊ መስጊድ ውስጥ የንጉስ ነጋሽ እና የ15ቱ የነቢዩ መሀመድ ተከታይ ሱሀባዎች አጽም በክብር ተቀብሮ እንዳለ የጥንታዊው መስጊድ ታሪክ ይናገራል።”


የሚሉት አባባል ጸሐፊው የንጉሡ ሬሳ የተቀበረበት ስፍራ ነው የሚል “የጥንታዊ መስድ ታሪክ” ሥፍራ በሚል አጠቃላይ እንጂ የንጉሡ ሬሳ በተለይ የተመለከተ መቃብር ማስረጃው አላቀረቡልንም። በስፍራው የተመራመሩ ታሪክ አጥኚዎችም ይህንን አላየንም ነው የሚሉት።


አስገራሚው የአቶ ወንድወሰን ተክሉ አስተምህሮ ደግሞ የሚከተለው ነው፡
“በዘመነ ነጋሽ የነበረችው ኢትዮጵያ ብሔራዊ ሃይማኖት ክርስትና እና በከፊል ደግሞ ጁደይዝም[የአይሁድ እምነት] እንደነበረ በታሪክ መዛግብት ተጽፎዋል።” ይላሉ እና ትንሽ ሳይቆዩ አከታትለው፤ ( ቢጫ ቀለም የኔ)


“ኢትዮጵያም ከመካ በፊት እስልምናን በይፋ በ615ዓ.ም ላይ የተቀበለች የመጀመሪያ አገር ሆነች።” ይሉናል። (ቢጫ ቀለም የተጨመረ)


በጣም አስገራሚ!! ስደተኞቹ በመጡ በሁለት አመታቸው፤ወይንም ወዲያውኑ እንበለው ኢትዮጵያ “በይፋ” እስልምና የተቀበለች የመጀመሪያ አገር ሆነች? እንዴት እንዲህ በቀላሉ ሊሆን ቻለ? ይፋ ማለት ምን ማለት ነው? በአዋጅ ነው? አዋጅ ከሆነ ከየትኛው ንጉሥ? በ613/615 የተገነቡ መስጊዶች ስንት ነበሩ / የትስ ነበሩ? በማንስ ፈቃድ ነው ሕዝቡ እስልምና የመከትል መብት አላችሁ ብሎ ፈቃድ የሰጠ? አዋጅ/ይፋ/ ሲሆን ክርስትናም ሆነ አይሁዳዊ እምነት በማን እና በየትኛው ወቅት እንደተሰበከና ፈቃድ እንዳገኘ ማረጋገጥ ይቻላል። ያ ከሆነ፤ እስላማዊ እምነትም ይፋ አንዲሆን የፈቀደ ንጉሥ እናውቅ ነበር? እስልምና ይፋ የሆነው የአረቦች የአክሱም ከበባ ወቅት ነው (እንደ ግራኝ አህመድ የመሰለ በሰይፍ የተደገፈ ዘመቻ!!)። በወቅቱ ክርስትያኑም ሆነ አይሁዳዊው ለመሰለም “ሰይፍ” እንጂ ሰበካ እንደማይለውጠው የታወቀ ነው። ክርስትያኑ ግራኝ አሕመድን የታገለው “ላለመሰለም ነው”።
የተበከሉት ሊቃውንቶቻችን ለማሳመን እንደሚጥሩት እና ኢትዮጵያ የእምነት ዲሞክራት ነበር ለማለት፤ እንደሚነገረው ሁሉ፤ ለማሳመር የተቀረጸ ዲስኩር ካልሆነ፤ እስላማዊ ሃይማኖት በየትኛውም የጥንት ክርስትያነዊ ንጉሥ በሕዝቡ ላይ እንዲገባ በቸልተኛነት ያለፈ ንጉሥ እኔ አላውቅም (መሐመድ የከተበለትን ንጉሥ ጭምር)። ስደተኞችን ማጥለል/ማስተናገድ እና እስልምናን እንዲስፋፋ ማድረግ ለየቅል ነው። እንኳን በእስልምና ሊፈቀድ ቀርቶ በክርስትና እና አይሁድ ተከታዮች ውስጥም ስንት ፍጨትና ፍጅት እንደተደረገ የሚታወቅ ነው። ኢትዮጵያ በ615 እስልምናን በይፋ ተቀበለች የሚባል ወሬ ለፖለቲከኞች መጠቀሚያ ዘዴ (ኤክስፕሎይተቲቭ-ታክቲክ) እንጂ በእኛ በተራ ዜጎች ተቀባይነት የለውም።


ጸሐፊው ይህ ሁሉ ሲተነትኑ፤ የትኛው የታሪክ መጻሕፍት እየጠቀሱ እንደሆነ አልነገሩንም። ሆኖም መሐመድ ተከታዮቹን የላካቸው ጸሐፊው እንደሚጠሩት “ዘመነ ነጋሽ” የሚባለው ከላይ እንደጠቀስኩት ንጉሡ ወደ እሚያስተዳድረው ወደ ነበረው ወደ አክሱም እንጂ ንጉሡ ተቀብሮበታል ወደ እሚሉን ወደ “ውቅሮ መስጊድ አይደለም”። ስለሆነም፤ ንጉሡ እዛቺው “ገጠር ውስጥ” የሚኖርበት ምክንያት/ጣጣ/ቢዝነስ/ የለውም። እስላማዊ ዐረቦቹ የመጡት እንደ ጸሐፊው እምነት በ613 ከሆነ ‘እስልምና’ ተከታዮች የተባሉት ስደተኞች ወዲያውኑ ንጉሱን የማስለም አቅም ሊኖራቸው አይችልም። ሆነ ከተባለም ንጉሡ (በእኛ መጽሐፍ የሚታወቅ ንጉሥ ‘አድርአዝ’ ) የነገሰው ከ600 እስከ 622 ነው። ዓረቦቹ ከመጡ ወዲህ “አድርአዝ” ሥልጣን ላይ የኖሮው 9 አመት ብቻ ነው። እሱ የፈቀደላቸው እምነታቸው በሰላም መከተል እንደሚችሉ እና ለተጠየቀው ጠላቶቻቸው መልሶ እንደማያስረክባቸው እንጂ “ህዝቤን የመስበክ” መብት ሰጥቻችኋላሁ የሚል አይገኝም።ከዚያ አገር ሰላም ሲሆንላቸው ተመልሰው ወደ ሳውዲ አገራቸው ሄዱ።


መተማመን ያለብን ከሜካ የመጡ ዓረባዊ ስደተኞች/የመሓመድ ተከታዮች ጥገኝነት የፈቀደላቸው ንጉሥ “አድርያዝ” መሆኑን በእኛው የነገሥታት መጽሐፍ አለ (ወቅቱን ስናስተያየው)። በተጠቀሰው ዘመን የነበረው ንጉሥ ማን እንደነበር ሊቃውንቱ ሲገልጹ “አድርአዝ” እንደነበር ነው፤በ622 አካባቢ የነበረ ማለት ነው። ይህ ነጉሥ ነው እስላም ነበር የሚሉን። ዓረቦቹ (መራግሕሽ) ጥገኝነት ጠየቁ የተባለበት ውቅት የነበረው ንጉሥ ‘አድርያዝ’ እንጂ “አልነጋሺ/ንጉሥ ነጋሽ/አሕመደል ነጋሽ/ የሚባል ንጉሥ አይታወቅም። ባጭሩ የኛ ሊቃውንት የሚነግሩን፤ አል ነጋሺ የሚል መረጃ እስካሁን ድረስ የለም። አልነጋሽ፤የሚባል እኛ የምናውቀው አፈታሪክ “እንደ መስጊድ” ወይንም “ትልቅ “የሃይማኖት አባት” ወይንም “የሃይማኖት ቦታ” እንጂ በወቅቱ በኛ በኩል የሚገኙ ጥንታዊ መረጃዎች እንደ ንጉሥ የተገለጸ ጽሑፍ የለም።


አቶ ምትኩ የተባለ አዲስ ኣበባ ዩኒቨርሲቲ የታሪክ ተመራማሪ ወጣት ምሁር ከትግርኛው የአሜሪካ ድምፅ ጋዜጠኛ ከግርማይ ገብሩ ጋር ከጥቂት አመታት በፊት በትግርኛ ያደረገው ቃለ መጠይቅ እንዲህ ይላል።


“የኔ ጥናት ያደረግኩት ይህንን ለመመርመር በርካታ መጽሐፍቶችን ተመልከቼአለሁ፤ እንዲሁም በሁለቱ ማለትም በንጉሡ እና በነብዩ መሐመድ በኩል የተለዋወጧቸው ደብዳቤዎች ሁሉም አንድ ባንድ ተመልከቼአቸዋለሁ።የደብዳቤዎቹ ይዘቶች የሚገልጹት በወቅቱ የነበሩ ስደተኞች ስለ ማስተናገድና ጥገኝነት ስለመስጠት በሚመለከቱ ጉዳዮች ካልሆነ በቀር፤ በሃይማኖታዊ ነክ የተመሰረቱ ወይንም የተመለከቱ ክርክሮች ወይንም የሃሳብ ልውውጦች በደብዳቤዎቹ ውስጥ አይታዩም።


እስካሁን ድረስ በመረመርኳቸው መረጃዎች ውስጥ አህመደል ነጋሽ ወይንም አልነጋሺ የሚባል ንጉሥ ወይንም ከክርስትና ወደ እስለምና ያሰለመ ንጉሥ ነበር የሚል ፈጽሞ አላገኘሁም። ብዙዎች ጥናቶች አልነበረም ነው የሚሉት። ምክንያቶቻቸውን ሲዘረዝሩ
‘የወቅቱ ሁኔታ /መሬቱ ላይ/ የነበረው ሁኔታ የሚፈቅድ ኣልነበረም። ሌላው በደብዳቤዎቹ በግልጽ እንደሚነበቡ የስደተኞቹ መስተንግዶ ጉዳዮች ብቻ ነቻው ያተኮሩት እንጂ፤ ነብዩ መሐመድ ወደ ሌሎቹ አገሮች እንደላካቸው ሃይማኖታዊ ነክ ደብዳቤዎች ኢትዮጵያ ውስጥ የተለዋወጣቸው ደብዳቤዎች አታገኝም።


ማለትም ወደ ግብፅ፤ሶርያ፤ሮማ ደብዳቤዎች ተጽፈዋል። ወደ ተጠቀሱት አገሮች የታለኩ እና ወደ አክሱም ንጉሥ የተላኩ ደብዳቤዎች የተለዩ ናቸው። ምን ይላል “ተቀበላቸው አስተናግዳቸው” የሚል ሃሳብ እንጂ አዲስ ሃይማኖት አለን፤ ተቀበል፤እመን ..የሚል ጽሑፍ የለውም። የደብዳቤዎቹ ዋና ይዘት “እነዚህ ስደተኞች /እንግዶች እባክህን ተቀበላቸው” ነው የደብዳቤው ትኩረት። ብዙዎቹ በአገር ውስጥ ጸሐፊዎች እንደ እነ ቡሽራ ሸኽ ያሕያ እንደ እነ ዶ/መሐመድ የመሳሰሉ የተጻፉ ክርክሮች ፤መጽሐፍቶች እና በውጭ ሰዎች የተጻፉም አይቻቸዋለሁ። ከዳረግኩዋቸው ጥናቶች ምንም መረጃ የላቸውም።” ሲል ጥናቱ ግልፅ አድርጓል። ምርምሩም በቅርብ እንደሚታተም ገልጿል።


ሌላም ልጨምርላችሁ፤- መቀሌ ክሳቴ ብርሃን የቤተክህነት ሊቅ እና መምህር የሆኑት መቀሌ ያለው የ ቪ ኦ ኤ ትግርኛ ወኪል ግርማይ ገብሩ ስለ ጉዳዩ አነጋግሮአቸው፤ መልሳቸው እንዲህ ነበር፡


“እየተጠቀሰ ያለው ዘመን ክርስትና ገና በጣም ትኩስ በነበረበት ወቅት ነው። በ6ኘው ክ/ዘመን ማለት ነው። መሐመድ በ570 ዓ.ም ነው የተወለደው፤ከዚያ በ40 አመቱ በ610 ዓ.ም ነው እንቅስቃሴው የተጀመረው። እየተጠቀሱ ያሉት ንጉሥ አድሪያዝ ደግሞ ከ600 እስከ 623 ዓ.ም ነው የነበሩት።


መረዳት ያለብን። እንኳን አንድ ንጉሥ ከክርስትና ወደ እስልምና የሚያከል ሲያሰልም፤ አንድ ኗሪም በወቅቱ ሲሰልም ያለተቃውሞ በሰላም የሚሰልምበት ህዋ የሚፈቅድ አይደለም። ወቅቱ ማየት፤መገመት አለብን። ንጉሡ አክሱም ውስጥ ነው መኖርያቸው፡ ሲሰልሙ፤ ከነ ሠራዊታቸው ነው? ከመላ አካባቢው ሕዝብ ጋር ነው የሰለሙት? ከነ ልጆቻቸው ጭምር ነው የሰለሙት? ሕዝበ ክርስትያኑስ ምን አላቸው? ተቃዉሞ ነበር? ከነበረስ ለምን አልተመዘገበም? የሚሉ ነገሮችን መጠየቅ አለብን። በሰላምም ቢሰልሙ አንዲት ነገር የሚያመላክት አሳማኝ ነገር አላገኘንም። ለሕሊናም መቀበል ይከብዳል። …’’

“ …በታሪካችን እስልምና የተቀበለ ወይንም የሰለም ንጉሥ አልነበረም። ጭራሽኑ ንጉሥ ነጋሽ የሚባል ነጉሥም አልነበረም። በአክሱም ዘመነ መንገሥትም ሆነ በአክሱም ከተማ እስላም የነበረ ንጉሥ ጭራሽኑ አልነበረም፤ የማይታሰብም ነው።
ኦርቶዶክስ ቤተክረስትያን ስለጉዳዩ ማብራሪያ ሰጪ ማን አደረጋት ስለሚሉ ወገኖች እንዲህ ይላሉ፤-

“የግንዛቤ ጉድለት ያለ ይመስለኛል።ተወደደም ተጠላም፤ የኢትዮጵያ ታሪክ ከቤተክርስትያኒቷ ጋር የተያያዘ መሆኑን መታወቅ አለበት። ጠብቃ ያቆየቺው እርስዋ ነች። እስከ ቅርብ ጊዜም ቤተከርስትያኒቷ እና መንግሥት አንድ አካላዊ ግንኙነት የነበሩ ናቸው። እስከ ቀ/ሃ ዘመን ድረስ። ስለዚህ ጥልቅ ማለት ሳይሆን፤ ታሪኳ ስለሆነ ነው! የረሷ ታሪክ ነው። ታሪኳ ስለሆነ አሁንም እንዲጠበቅ ሐላፊነት አለባት።ለሚሰነዘረው አግባብ የሌለው ፈጠራ የመከላከል ሐላፊነት አለባት።” ሲሉ የመቀሌ ክሳቴ ብርሃን ሊቅ ገልጸዋል።
የትግርኛው ዘጋቢ ግርማይ ገብሩ በማስከተል እንዲህ ይላል። ማሕበረ ቅዱሳን መቀሌ ከተማ ውስጥ አዘጋጅተውት በነበረው አወደራዕይ (አግዚብሽን) የነብዩ መሐመድ የተላኩ ስደተኞች የተቀበለ እንጂ እስልምና የተቀበለ ንጉሥ አንዳልነበረ በወቅቱ የቀረቡት ማስረጃዎች ለጎብኝዎች ቀርበዋል።


በቅርቡ ይላል ጋዜጠኛው። ዐለም አቀፍ እስላማዊ የዜና አግልግሎት ማእከል በመባል የሚታወቀው ‘ዩኒሴፍን’ ምንጭ በማድረግ ያስተላለፈው ሰርጭት ከ1400 አመታት በፊት ከነቢዩ መሐመድ የተላኩ ስደተኞች እስላሞች የተቀበላቸው “አሕመድ ነጋሽ” የተባለ ኢትዮጵያዊ ንጉሥ ነበር፡ ሲል አስተላልፎ ነበር።
 

የቤተክርሰትያን ሊቃውንት የሚሉት ፤

“በዚህ ወቅት እየታየ ያለው ነገር መቻቻል ሳይሆን መደበላለቅ ነው። ይላሉ”። መቻቻል ማለት ሁሉም የዬራሱ ሃይማኖት ይዞ ተቻችሎ ተደማምጦ ተስማምቶ መኖር ማለት ነው። አንዱ ወዳንዱ ክርስትያን ኖሮ እስላም ሆነ የሚል የመቻቻል ምልክት ሳይሆን ፤መደበላለቅ፤መዋሃድ፤መነካካት፤መነቅነቅ ይባላል። የያራሳችን ታሪካችንን ይዘን ተከባብረን ብንዋሃድ ጥሩ ነው፤ታሪካችንም ያምራል፤ ትክክል ይሆናል።እንዲህ ስንል ግን ይጠቅመኛል የሚለውን ሃይማኖት መከተል መብቱ ነው። ሁሉም ሃይማኖቶች እንደ እየሰው አግልግሎት ይጠቀመብቻዋል። ከጠቀመው ይሂድበት፤ ነገር ግን ነጠቃ መኖር የለበትም፤ መደበላለቅ የለበትም። በማለት ተቃውሞአቸውን ይገልጻሉ።
ጨረስኩ!
አመሰግናለሁ
ጌታቻው ረዳ (ኢትዮጵያን ሰማይ አዘጋጅ- Ethio-Semay) getachre@aol.com

አሳፋሪው ቴድሮስ አድሓኖም ምርጫውን “በመለስ መንፈስና” በወያኔ “የቆረጣ ስልት” ነው ያሸነፍኩት! አለ ጌታቸው ረዳ (ኢትዮፕያን ሰማይ አዘጋጅ Ethiopian Semay)



አሳፋሪው ቴድሮስ አድሓኖም ምርጫውን “በመለስ መንፈስና” በወያኔ “የቆረጣ ስልት” ነው ያሸነፍኩት! አለ
ጌታቸው ረዳ (ኢትዮፕያን ሰማይ አዘጋጅ Ethiopian Semay)

Tigrayan youth in Addis during the brainwashing process by the TPLF cabals
ትችቴ፤ በሌላ ጉዳይ ልጀምር።መጀመሪያ ለሻለቃ ዳዊት ወ/ጊዮርጊስ ይቅርታ እጠይቃለሁ። ባንድ ወቅት አንድ ሰው ወላጅ አባቱን አውቃቸዋለሁ፤ “ባንዳ ነበሩ” ብሎ ብዙ ነገሮች ስላጫወተኝ እኔም ሰውየውን አምኜ የዳዊት ወላጅ አባት በዛው አስቀምጬአቸው እንደነበር አስታውሳለሁ። በኋላ ግን ከሻለቃ ዳዊት አንደበትና ቃለ መጠይቅ ሳደምጥ ወላጅ አባቱ የተከበሩ አገር ወዳድ እንደነበሩ ስረዳ ከተነገረኝ ጋር ታሪካቸው አብሮ መጣጣም ስላልቻለ። የሻለቃ ዳዊት ቃል ስላሳመነኝ፤ ለስሕተቱ ከፍተኛ ይቅርታ ሻለቃ ዳዊትን እጠይቃለሁ። የፖለቲካ ልዩነታችን ግን እንዳለ ሆኖ፤ ይህንን በሚመለከት ብቻ ከኢትዮጵያዊ ጨዋነት አንዱ ‘ይቅርታ’ መጠየቅን አኩሪ ባሕላችን ስለሆነ፤ በስሕተት ስለነበር ይቅርታ እጠይቃለሁ። ለወላጅ አባታችን የኩሩ ዜጋነት፤አገር ወዳድነትና አርበኛነት ክብር እና ምስጋና አቀርባለሁ።

አሁን ወደ ዋናው ርዕስ ልግባ። ዛሬ ላቀርበው ያሰብኩትን ትችት በቴድሮስ አድሓኖም ጉዳይ ሊቀርብ አልቻለም። ትናንት ላንድ ማሕደር ፍለጋ የወያኔዎችን ማሕደሮች ስጎበኝ፤ ቴድሮስ አድሓኖም እና ደብረጽዮን የተባሉት የወያኔ የፖለቲካ ወፍጮዎች የፈጩትን ዱቄት በየቦታው ሲቦን አይቼ እጅግ ስለገረመኝ ትግርኛውን ተርጉሜ ለናንተው ለምወዳችሁና ለምትወዱኝ አንባቢዎቼ ላካፍላችሁ ወሰንኩ።

“መሬት ሲያረጅ የጃርቶች መጫወቻ ይሆናል” ይላል አማርኛው። እነኚህ “እነሱ እና እኛ” በሚል የጥላቻ መስመር የተካኑ ትናንሽ ሰዎች (ሊትል ሜን) ከጊዜ ወደ ጊዜ  ሥልጣን ላይ በቆዩ ቁጥር የባሰውኑ የማሰብ ችሎታቸው እጅግ እየወረደ መምጣቱ ስመለከት የመጪዋ የአገሪቱ ዕጣ ፈንታ የነበረችንን ትንሽ የተስፋ ስመለከት፡ ትንሽዋ ጭላንጭል የሚዘጋና የሚያጨልም መሆኑን ከምንገምተው በላይ በጣም አስጊ ሁኔታ እንዳለች የምናረጋግጥበት ምልክት አንዱ ይህ ትእዝብት ነው። የዚህ ሰውየ አርቆ አሳቢነት ያልበሰለ የጫካ ንግግሩ ወደ ጨቅላነት ደረጃ የመለወጥ ክስተት የትግራይ ሊሂቃን የምሁርነት ምጥቀት አሳፋሪ ደረጃ መድረሱንም እንድታዩት በሚል ነው።

ከርዕሱ የተመለከተው “ቃል” ቴድሮስ አድሃኖም ወደ ዓለም የጤና አጠበበቅ ዳይሬክትርነት ማዕረግ “በቆረጣ” (በስልት) መመረጡን ለማበሰር በብዙ ሺ ለሚቆጠሩ የቴድሮስ አድሃኖምን “ስዕል” የታተመበት “ከናቲራ” ለለበሱ ለአዲስ አበባ ኗሪ ወጣት ትግሬዎች ‘መይ 20/2017’ (ግንቦት 20/2009) የወያኔ ንግሥነት (ሄጂመኒ/ጎበጣ) ለመዘከር በተደረገው ስብሰባ በትግርኛ ያደረገው ንግግር ነው።

የባሕር ወደቦቻችንን ለዓረቦች አሳልፎ የሸለመ በባንዳው መለስ ዜናዊ አምልኮ የሰከረ፤ የፖለቲካ ብስለቱ ያላሰፋ ይህ ሰው፤ የመለስ መንፈስ እንዳስመረጠው ለነገራቸው ወጣቶች እና የወያኔን ኮቴ/መሰመር/ ተከታዮች በሆኑ የትግሬ ዘፋኞች በርካታ ሙገሳና የሙዚቃ ፊልሞች (ቪዲዮ) ተሰርቶለታል። ለቴድሮስ አድሓኖም ክብር በሚል የተዘፈኑለት በርከት ያሉ በቪዲዮ ተቀርጸው የወጡ ሙዚቃዎች አሉ።በጣም አስገራሚ ነው። ከነዚህም አንዱ ካሁን በፊት ለመለስ ዜናዊ ሞት መዘክር የዘፈነለት ዛሬም ለቴደሮሰ አድሓኖም ገብረየሱስ ሙገሳ የዘፈነው ካናዳ አገር የሚኖሮው ፤በቀልድ ነጋሪነት እና በሙዚቃ” ሥራ የታወቀው ትግሬው ሲሳይ ሕሸ (በቅጽል ስሙ መሪጌታ ሕሉፍ) በሚባለው በሙያው በቶሮረንቶ ከተማ የኢምግሬሽን የጥብቅና ሥራ የሚሰራ ግለሰብ የዘፈነለትን ቪዲዮ “አንበሳ በረኻ” (የበረሃው አንበሳ) የሚለውን እና ሌሎች አወዳሽ ሙዚቃዎች ተቀርጸው ተዘፍነውለታል።Dr. Tedros Adhanom / Anbessa Bereka / New Tigrigna Music 2017 / Sisay Hishe      https://youtu.be/WQX9HbV4OPo

ሌሎችም እንዲሁ “ዉቑር ወልዱ (መላኺ) የተባለው ትግሬ በአማርኛና በትግርኛ የተደባለቀ ሙዚቃ የዘፈነለትን እና የመሳሰሉ በዙ የሙገሳና የትምክሕት መግለጫ ጋጋታዎች ተሰርተውለታል። የውቑር ወልዱ ሌላው ጉደኛ “የደስ ይበልን” ጭፈራ የተካተቱበት የትግራይ ሕዝብ ምስሎች በትእግስት ተመልከቱ፤ Mukur Weldu | Des Bilonal | ደስ ብሎናል ( Dr.Tedros Adhanom) New Ethiopian Music 2017 https://youtu.be/xBp4G5J9no4  


ይህ ውቕሮ ወልዱ የተባለ ወጣት ሙዚቀኛ፤ የቴድሮስ አድሓኖም ወደ ዓለም አቀፍ የጤና ጉዳይ መመረጥ አፄ ምንሊክ ከፋሺስት ጣሊያን ወራሪዎች የተዋደቁበትና የተቀዳጁትን ከዓድዋ ጦርነት ድል ጋር በማያያዝ የዓድዋ ጦርነት ድል ታሪክ በቴድሮስ አድሓኖም ተደግሟል ይለናል። ወገኖቼ እንዲህ ያለ እጅግ የሚያስደነግጡ፤አስፈሪ የሆኑ፤ ምንም የማያውቁ ወጣት ሙዚቀኞች የዓድዋን ጦርነት ከቴድሮስ አድሓኖም ጋር መመረጥ እንዴት ሊያገናኙት እንደቻሉ ለኔ እጅግ እንቅልፍ አሳጥቶኛል።ሌሎች ዘፈኖቻቸው ብንፈትሽ ምን እንደሚሉ ከመረመርን እጅግ አስፈሪና አስገራሚ ግጥሞችን እናገኝ ይሆናል (እኔ በግሌ ያደመጥኳቸው ብዙ አሉ)። በሚገርም ሁኔታ በጣም በርካታ የጎሳ ፖለቲካ ሰባኪያን “ሙዚቀኞች” ብዙ ስራዎች ለቴድሮስ አድሓኖም ሙገሳ አሳትመዋል። 

ሌላው ያስገረመኝ ሙዚቀኛ ደግሞ በድምጹ ቃና ከትግራይ ሙዚቀኞች ሁሉ በግምባር ቀደም የማስቀድመው ሙዚቀኛው “ሲሳይ ሕሸ’ ነው።(ፋሺስታዊ የወያኔ ፖለቲካዊ መስመሩን ወደ ጎን ትትን ማለት ነው- ስለ ወያኔ ፖለቲካ በኢመይል አጠር ላሉ ጊዜያት በማስረጃ አስደግፌ ላስረዳው ተለዋውጠን ነበርና፤ የትግርኛ መጽሐፌንም እንዲያነበው ልኬለት ነበር፤ ሆኖም… ‘አውቆ የተኛ ሰው ሆኖ ስላገኘሁት’ ቢነቀንቁት የሚነቃ እንዳልሆነ ታዝቤዋለሁ! ፍራንዝ ፋኖን Cognitive Dissonance-የሚለው-ዓይነት) ።

ይህ በፎቶግራፍ የሚታየው “ሲሳይ-ሕሸ”አንበሳ በረኻ /“የበረሃ አንበሳ”/ ሲል ለቴድሮስ አድሓኖም የዘፈነውን ነው። ከስንኞቹ አንዱ በትግርኛ እንዲህ ይላል።
“ንስኻ እንተለኻ ምሳና፤
ዝሳገራ የለን ሩባና”
አንተ ከኛ ጋር እስካለህ ድረስ፤
 ደፍሮ የሚሻገር የለም እወንዛችን ድረስ! 

 ይህ ስራ ከቴድሮሰ አድሓኖም “የቆረጣ መርጫ’ ጋር  ምኑን ከምኑ እንዳገናኘው ስትመረምሩ የጎሳ  ፖለቲካ “በእኛ እና በእነሱ” አጥርና ውዳሴ እንዴት እንደከተተን ዓይነተኛ ጠቋሚ ስራ ነው። ይህ ሁሉ “ከአምበሳነት ሙገሳ እና ከዓድዋ ጦርነት ድል” ጋር የማያያዝ ባሕሪ የሚያሳየን መመርምር ያለበት ትልቅ የቤት ስራ እንደቀረን እና የትግራይ ከያኒዎችና ወጣቶች የፖለቲካ ንቅዘት ምን ያህል ጥልቀት እንደቦረቦራቸው ከነዚህ ሙዚቀኞች መረዳት እንችላለን።

ከሌሎች ጎሳዎች በተለየ በትግሬ ወጣቶች (የቴድሮስና የመለስ እና መቀሌ ውስጥ የተተከለው የወያኔ ተጋዮች ሃውልት ያለበት ስዕል የታተመበት ከናቲራ መልበስን) እና የኪነት ባለሞያዎች ሰውየውን ‘በአንበሳ በረሃነት’ እና ‘በዓድዋ ጦርነት ድል” ማነጻጸርንና ማወደስን እንዲህ ያለ ጋጋታ ለትግሬው ቴድሮስ አድሓኖም ለምን ተከሰተ? ብለን ብንጠይቅ መልስ ማግኘት አንቸገረም።ሁልጊዜ በማንኛውም አገር “የጎሳ ፖለቲካ” የሚከተሉ ማሕበረሰቦች የሚያርፉበት የመጨረሻ ምዕራፍቸው’ ‘የሚከተሉትን ድርጅት ወይንም የድርጅቱን መሪ “በመንፈስነት/በመለኮትነት” በማምለክ፤ ድርጅታቸውን ወይንም መሪያቸውን የሚቃወመውን ሁሉ “በእኛና በእነሱ” ሚዛን መዝነው፤ በእዛው አጥር ውስጥ ታጥረው አንዱን ‘አንበሳ’ ሌላኛው ‘ፈሪ’ በማድረግ መስመር በሚሉት ‘የሕሊና አጠባ ስልት’ እንደ ከብት መንጋ (herds) በአንድ መስመር  እየተመሙ ከሰውነት ባሕሪ ውጪ በማድረግ የታወቀ ‘የፋሺስታዊ ጎሰኛነት ፖለቲካ’ ስለሚከተሉ ነው። “ዘር”፤ “ጎሳ”፤“መስመር”፤“የወንዝ ልጅነት” ቁርኝት ያስከተለው የክልላዊ ፖቲካ ውጤት ነው። ፈጪውም አስፈጪውም አንድ አካል ነው። ጎሰኝነት!     

የቴድሮስ አድሓኖም አስገራሚና አሳፋሪ የጫካ ሰው “ንግግር” ከመመልከታችን በፊት ቴድሮስ እንዴት ተመረጠ? የመለስ መንፈስ ማለትስ ምን ማለት ነው? ቆረጣስ ምን ማለት ነው? ቴድሮስ አድሓኖም “የመለስ መንፈስ ቆረጣ ተጨምሮበት ነው የተመረጥኩት! ምክንያቱ ገባችሁ ምን ማለት እንደሆነ?!’ ብሎ ወጣቶችን ሲጣይቃቸው ምን ለማለት እንደፈለገ ውስብስቡን ፖለቲካ ለተከታተልነው ምን ማለቱ እንደሆነ ግልጽ ነው።

 የመለስ ዜናዊና የኢሳያስ አፈወርቅ ወደ ሥልጣን መምጣትና በሥልጣን ላይ የሰሩት ወንጀልና ምዝበራ በዓለም ፍርድ ቤቶች እንዳይጠየቁ ግምባር ቀደም ተከላካይ እየሆኑላቸው ያሉት እነማን መሆናቸው የምናውቀው ነው። አይደለም እንዴ? የሊቢያን እና የሶርያን ሕብረተሰብ ወደ ሲኦል ሕይወት የዳረጋቸው ‘ኦባማ’ የሚባላው ሌላው ‘ኡሉምናቲ’፤ አዲስ አበባ ላይ መጥቶ ፤ አሽከሮቹን (ፕሮክሲ ወኪሎቹን) በሕዝብ የተመረጡ (ዲሞክራቲካሊ ኢሌክትድ ጋቨርንመንት) ብሎ ያለንን እናስታዉሳለን። አደለም-እንዴ? ታዲያ ቴድሮስ አድሓኖም ‘በቆረጣ’ የተመረጠበት ዘዴ ብንፈትሽስ?

ታሪኩን እንፈትሽ። ኢትዮጵያ በማን እጅ ነች? በውጭ ጋር ሃያላን መዳፍ ውስጥ ነች። ወያኔዎችስ ምንድ ናቸው? ፕሮክሲ/የውጭ ሃይላት ሥራ አስፈጻሚዎች ናቸው። አዲስ አበባ መዲናችን ላይ እነማን ናቸው ያሉት? ከወያኔ የሲኣይኤ ቅጥረኞች ውጪ እራሳቸው ሲአይ ኤዎች አዲስ አበባ ውስጥ አሉ። ተደላድለው ተቀምጠዋል። ጅቡቲም አዲስ አበባም! 

ፎቶው ላይ ከቴድሮስ አድሓኖም ጋር የምታዩዋቸው ሁለት ጉደኞች ናቸው። ብርጭቆ ውሃ ይዞ ቴድሮስ አድሓኖምን ትኩር ብሎ እያነጋገረው ያለው የዓለም ሕዝብ በተለይ የአፍሪካ ሕዝብ ካለበት ቁጥር እንዳያድግ የወሊድ ቁጥጥር (በድብቃዊ ስልት ‘ዩጀኒክ’ በሚባል የሕዝብ ጠረጋ/ ጽዳት/ ‘ሾቭል’ ብላችሁ ጥሩት!) ዘመቻ ውስጥ የገባው ቢል ጌት ነው። ይህ ሰው ባተረፈው ገንዘብ ስለተጨናነቀ እሱ እና ብሉምበርግ የተባለው ሌላው ሴረኛ ቢልየነር ጋር ሆነው ያገኙበትን ገንዘባቸው እበጎ ተግባር ከማዋል ይልቅ ‘የሚያከማቹበት ስላጡ’፤ በተለይ ቢል ጌይት የወላጅ አባቱን ፈለግ በመከተል፡ እናቶች መምከን አለባቸው ብሎ፤ ‘በኡሉሙናቲው/ሰይጣናዊ’ አጀንዳ ተነስሳስቶ፤ የዓለም ሕዝብ በተለይ አፍሪካ እና የመሳሰሉ ድሃ አገሮች እናቶችን በማምከን በመርዛማ ክትባት ዘመቻ ተሰማርቶ የሕዝብ ቅነሳ ዘመቻ እያካሄደ ነው።

 ብዙ ሺዎች ህጻናት ሕንድ ውስጥ ‘ድውያን’/ /አካለ ስንኩላን/ ሆነው እንዲወለዱ ስላደረጋቸው በፍርድ ቤት የተከሰሰ ሰው ነው። ብዙ መሰሪ ተግባሩ ብሱ እናቶችን በማምከን ዘመቻ በመሰማራቱ እና ህጻናትንም ስንኩላን እንዲሆኑ በስራው ክንዋኔ ስለታዬ (ለነዚህም ሃዘኔታ ባለማሳየቱ) ብዙ ሃያስያን ቢል ጌትን የሰይጣን በር ብለው ይጠሩታል።

ቀጥሎ በቢል ጌትስ እና በቆረጣ የገባው ቴድሮስ አድሓኖም እማሃል ላይ ቆማ እጆቿን አጣጥፋ ያለቺው ጆሮው ላይ የጉትቻ ቀለበት ያንጠለጠለ ወንድ የሚመስለው ነጭ ሴትዮ ጌይል ስሚዝ ነች። የህች ሴት ማነች ? ጌል ስሚዝ ኢትዮጵዮጵያ ውስጥ በበጎ አድራጎት (ዩ ኤስ ሲ ኣይ ኤስ) ስም የወያኔ ቀኝ እጅና አማካሪ የነበረው ከዚህ ዓለም በሞት የተለው ‘ሲኣይ ኤው ‘ፖል ሄንዝን’ የተካች ነች። የድሮ ባልዋ የኢሳያስ አፈወርቅ ዋና ፕሮፓጋንዲሰት የነበረ ፤ ጋዜጠኛ ተመስሎ የገባው ኢሳያስ ጋር ሳሕል በረሃ የኖረው የሲአይ ኤው Dan Connell ባለቤት የነበረች ነች። “ይህች ሴረኛና ጉደኛ ሴት የመለስ ዜናዊ የቅርብ አማካሪና የወያኔው የየማነ ጃማይካ ውሽማ የነበረች ነች። 

ቀንጨብ አድርጌ ላስነብባችሁ፤-

  once the mistress of a Marxist guerilla fighter in the Horn of Africa, today Gayle Smith is a senior advisor to Barack Obama in the White House, USA.

Gayle Smith started her career in service to the American Empire as an undercover CIA operative posing as a journalist in the Horn of Africa in the late 1970’s. Taking her duty seriously, she became the mistress of a guerilla fighter known by the nom de guerre of “Jamaica” in the Marxist-Leninist-Enver Hoxha-ite Tigrayan Peoples Liberation Front (TPLF), then fighting for independence from the Soviet Union supported Mengistu regime in Ethiopia.

As a close confidant to the leadership of the TPLF, Gayle Smith would spend the decade of the 1980’s as the liaison between the CIA and Meles Zenawi, the leader of the TPLF who was to become the Prime Minister of Ethiopia after the defeat and overthrow of the Mengistu regime by the Eritrean independence movement in 1991.” እያለ ይቀጥላል። (Guerilla Mistress To Obama Confidant; The Life And Crimes Of Gayle Smith By Thomas C Mountain 01 December, 2010 Countercurrents.org   ቶማስ ማውንቴን አስመራ ውስጥ የሚኖር (አውስትራሊያዊ ወይንም አሜሪካዊ/ የሻዕቢያ ቡችላ ነው። እሱም እንደ እነ ዳን ኮኔል ስራውን እያከናወነ ነው የሚል አምነት አለኝ።

እነዚህ እና የመሳሰሉ ኢሉሙናቲ ድርጅቶች እና ግለሰቦች ናቸው በቴድሮስ አድሓኖም የቆረጣ ምርጫ ገብተው ከውስጥ ያስመረጡት። የዓለም ብጥብጥ ቀያሾችና የብዙ አገሮች ሕዝቦችን ደም ያፈሰሱና የጨፈጨፉ ፤ ግብዞችና የዓለም ‘ጸረ ሰላም’ የሆኑ እነ ‘ቢል ክሊንተን’ እና እነ ‘ቡሽ’ የመሳሰሉ በበርካታ የሕዝቦችን ሕይወት ማጥፋት ወንጀል ሴራ ተጠያቂ የሆኑ እነዚህ ማፈሪያዎችም በቆረጣው ሴራ ምስክርነታቸውን ለቴድሮስ ድጋፍ ሰጥተዋል። ሳይጠሩዋቸው አብየት ሳይለኩዋቸው ወዴት የሚሉት በቂቼዎቹ “እኛም ጨምሩን ‘ጥልቅ ብየ’ የኛዎቹ የአፍሪካ ማፈሪያዎችም” በዚሁ ቪድዮ ለወያኔው ቴድሮስ አድሐኖም በማያውቁት አገር (ኢትዮጵያ) ገብተው ‘ጥብቅና’ ቆመው ሳይቸግራቸው ‘አረፋቸውን ሲደፍቁ’ ታደምጣላችሁ። Presidents Clinton, Bush and World Leaders Speak About Dr. Tedros Adhanom https://youtu.be/LotD_Mo5FEo

የወያኔው ቴድሮስ አድሓኖም የጤና አስተዳዳሪነት ብቃት ለ7 አመት ሙሉ የኢትዮጵያ ጤና ጥበቃ ሚኒስቴር ሆኖ ሲሰራ የብዙ አማራዎች፤ሶማሌዎች፤ጋምቤላዎች እና ኦሮሞዎች እንዲሁም ሌሎች ዜጎቻችን የጤና ውድቀትና “የሕዝብ የጅምላ ጭፍጨፋ” ሲካሄድ እንደነበር ከተለያዩ ተሟጋቾች አንብበናል/አድምጠናል። እንኳን ለዓለም ጤና ድርጅት ይቅርና በራሱ መስርያቤት እንኳ በብዙ ሚሊዮን ዶላሮች ንቅዘት/ምዝበራ ሲካሄድ እንደ እቃ ተቀምጦ ሲያየው የነበረ እና ብቃት ያልነበረው ‘ጉልቻ’ ሰው መሆኑን የሚከተለው የሳዲቅ አህመድ ራዲዮን ቃለ መጠይቅን አድምጡ። Professor Mohammed Tahiro on Tedros Adhanom https://youtu.be/bcDWPkpEkhY

 የብዙ ነብሳትን ህይወት ያጠፋና ያፈናቀለ፤ በዘር ማፅዳት ወንጀል የሚከሰስ የፖለቲካ ድርጅት ውስጥ በአመራር አባል የሚሰራ ሰው፤ የሕክምናው ፈቃድ ከመንጠቅ ይልቅ፤ ለዚህ ዓለም አቀፍ ስራ መመደብ የአሜሪካን መሪዎችና ትላልቅ ከበርቴዎች ድጋፍ ሰጥተው በቆረጣ እንዲመዘዝ፤ ለምን እንደተደረገ መገመት አያስቸግራችሁም። እነ ቢል ጌት እና እነ ጌል ስሚዝ በሕዝባችን ላይ የሚደርሰው በክትባት ሽፋን ፤እናቶችን ማምከን፤ የአካል ድውይነት/በፖሊዮ ክትባት ሽፋን/” የሚፈጸመው ወንጀል እንዲቀጥል ምቹ ሰው መምረጣቸው እንደሆነ ለኛ ግልጽ ነው። አሜሪካኖች አፍሪካ ውስጥ መሪዎችን ስያስቀምጡ በእነሱ ፖሊሲ እና ፕላን የሚጓዝ ታዛዥ ሰው ነው የሚያስቀምጡት። እምቢ ካለ ፤ያስወግዱታል። አይደለም እንዴ? ሳዳም ሁሴንን አይተናል! በሽርን እያየን ነው! የኮሎምቢያው ኢማኑኤል ኖሬጋን ምን እንዳደረጉት አይተናል። አይደለም እንዴ?
ጌይል ስሚዝ ያለ ቦታዋ ገብታ በቅርቡ በቁቤ የላቲን ፊደል ኦሮሞ ወጣቶች ያሳዩትን ዕድገት (ድንቁርናውን ዕድገት ብላዋለች) ያስተላለፈቺው ዘገባ በአንድ ኢትዮጵያዊ ሊቅ በጥያቄ ተወጥራ መልስ እንዳላገኘችበት የምናስታውሰው ነው። የአሜሪካኖች ሴራ በጤና ብቻ ሳይሆን በፖለቲካውም እጃቸው ሰፊ መሆኑ በቅንጅት ምርጫ ጊዜ አይተናቸዋል! አይደለም እንዴ? 

አገራችን ተወርራለች። ተደፍራለች። ዓረቦች ከብበውናል። ይህ ደግሞ የወያኔ መስመራዊቆረጣ ሴራና ‘ሲኣይኤ’ የተሳተፉበት እጅ ነው። ‘ቴድሮስ አድሓኖም’ ወጣቶቹን ‘መስመር!መስመር!’ እያለ “የመለስ መንፈስና” “ወያኔአዊ መስመር” እንከተል ሲላቸው ምን ማለቱ እንደሆነ ግልጽ ነው። ለውጭ ሃይላት ከተምበረከክን፤ ስልጣን በእጃችን ይገባል፤ ለምንሰራው የዘር ማጽዳት ስራ ወንጀልም ‘ሸፋን’ ይሆኑናል’ ነው የቆረጣውና የወያኔ መስመር መልዕክት። ቴድሮስም ለዚህ ምቹ ምልምላቸው ነው። ለዚህ ነው በመለስ መንፈስ እና በቆረጣ ነው የተመረጥኩት ብሎ ለትግራይ ወጣቶች አዲስ አበባ ውስጥ ሰብስቦ የነገራቸው።

አሳፋሪው የቴድሮስ የትግርኛ ንግግር ወደ አማርኛ ልተርጉምላችሁ። በቪዲየው ውስጥ  የታየው ትዕይንትና የሚወጣው ድምፅ ቴድሮስ አድሓኖም  በሚናገራቸው በያንዳንዱ ሐረጎች ውስጥ፤ ወጣቶቹ በሕሊና የጎሳዊ ዕውርነት ስሜት እየተነዱ፤በጭብጫባና በአደንቋሪ ‘ፉጨት’ አጅበውታል። የምተረጉመውም እናንተ እንደትጠቀሙበት፤ለታሪክ ጸሐፊዎች እና የፖለቲካ ምሁራን እንድትመረምሩት በሚል እሳቤ ነውና ድካሜን ከንቱ ሳታደርጉት ለትንታኔአችሁ ተጠቀሙበት። የሰውየው ንግግር ታሪክ ውስጥ መመዝገብ ያለበት እጅግ አሳፈሪና ጠባብ ቡድንተኛነት፤ተንኮል፤ ሴራ፤ ክህደት፤ ድንቁርና፤ ትምክሕትና ጉራ ያካተተ አስገራሚ ንግግር ነው።  እንዲህ ይላል፤-

{ “በጣም  ነው የማመሰግነው፤ አመሰግናለሁ! ይህ የዓለም ጤና ጥበቃ ሹመት እንዴት ተገኘ ብላችሁ አጭር ጥያቄ ልታቀርቡ ትችሉ ይሆናል።ላጭር ጥያቄ አጭር መልስ አለኝ።ውስጠ ምስጢሩ የድርጅት መንፈስ በውስጥ ስለነበረበት ነው። የመጀመሪያ ነገር በዘመቻው ላይ የተጠቀምንበት “የመለስ ዜናዊ ፋውንዴሽን” ነው። ትርጉሙ ተረድቶአችል? እንግዳውስ ከተረዳችሁ፤ከመነሻው የመለስ መንፈስ ይዤ ነው ለዘመቻው የተነሳሁት።ታውቁታላችሁ “የመለስ-መንፈስ!”፤“የውድባችን/የድርጅታችን መንፈስ!”፤“የይቻላል-መንፈስ!”፤“የሕዝባዊነት መንፈስ!” “የትዕግስት መንፈስ!”፤“የመስመራችን መንፈስ መከተል! ነው። ይኬው ነው ትርጉሙ።…
‘….ስለዚህ ‘የመለስ መንፈስ’ በምንልበት ጊዜ፤ የመስመራችን መንፈስ ማለት ነው። በእዛው ላይ ልጨምርላችሁ… ያ መንፈስ ምን ይዞ እንዲጓዝ ያደርጋል? መልስ ስጡኝ!? የሚሰጠን መልስ ከቶ አንንበረከክም! አንሸነፍም! እንደዚያ አይደለም እንዴ ሙዚቃችን/ዘፈናችን/መዝሙራችን የሚለው?! ….

መንፈሱ ላይ ሕዝባዊነት ተጨምሮበት! እሱ አልነበረም እንዴ የድርጅታችን መነሻ? ሕዝባዊነት! ታውቁታላችሁ አይደል!? ከመጀመሪያ ጀምሮ ድርጅታችን ከጥላቻ ነፃ የሆነ ነው። ስለነበርም ነው አሸናፊነታችንን እያረጋገጠ የመጣው። እኛ “እነሱ” ወደ ወረዱበት የጥላቻ ደረጃ መውረድ ነበረብን? አልወረድንም ፤ለወደፊቱም አንወርድም! ወደ ላይ ነን የምንወጣው!  እንደነሱ ወደ ታች አንዘቅጥም! መስመራችንን ነው የምንከተለው! መስመራችን ነው የሚያዋጣን! የሕዝብ ፍቅር ነው የሚያዋጣን! እኛ የአንድ ክፍል አካሎች (ጎሳ) ስለሆንን ሌለውን የሚጻረር ተግባር አናደርግም፤አድርገንም አናውቅም። ሁሌም መያዝ ያለብን ምክንያታዊ መስመራዊ መሆን አለበት። ሕዝባዊነት ከተከተላችሁ ሁሌም በማንኛውም ግጥሚያ አሸናፊዎች ናችሁ። መስመር ያመነ አይሳሳትም፤ ያም ስለሆነ ነው ውድብና/ድርጅታችን/ እዚህ ደረጃ የደረሰቺው።…

‘… በግልጽ ላስቀምጥላችሁ… የተደረገው “ውግያ” የድረጅታችን መስመር ስለተጠቀምን፤ (ኢቭን) እንዲያውም ዘመቻው ሲካሄድ “ቆረጣ” ነበረው! ያ ደግሞ የአገራችን ኢትዮጵያ ነው። ያ ቆረጣ ይዛ ነው ለ26 አመት ከ irrelevant ወደ relevant በሁለም ደረጃ ለውጥ ልታመጣ የቻለቺው። ያ የድርጅታችን መስመር የመላ ኢትዮጵያ ሕዝቦች መስመር ሆኗል። ያም ስለሆነ ነው መስመራችንን ለመስበር ከውስጥም ከደጅም እየፎከሩብን ያሉት። የጥንታዊ ስልጣኔአችንን ሳንጠቅስ፤ ኢትዮጵያ እኛ በተከልነው መስመር ምክንያት ከብዙ ሺ ዘመናት አንገትዋን ካቀረቀረቺበት ወጥታ ለመጀመሪያ ጊዜ ነች አንገትዋን ቀና ማድረግ የቻለቺው።

እነዚህ ዛሬ እየተቃወሙን ያሉት ከ26 አመት በፊትም ሆነ ዛሬ ምን ያደርጉ እንደነበርና ምን እያደረጉ እንዳሉ እናውቃቸዋለን።ወደ ፊት መስመራችንን ይዘን ለመቀጠል ከፈለግን እነሱ ወደ ወረዱበት ደረጃ መውረድ የለብንም።መስመራችን-እንዳንለቅቅ፤ድርጅታዊነታችን እንዳንስት። በበላይነት/ ከፍ ብለን ከታገልናቸው መስመራችን ሕይወት ያገኛል፤ ሁሌም ተሸናፊዎች ናቸው።ጠባብነት፤ወይንም ትምክሕትነት እኛ ውስጥ ማቆጥቆጥ ከጀመረ አደገኛ ነው። ያንን ማስጠጋት የለብንም።ነውር ነው። ከዚያ መራቅ አለብን። መስመራችን ከአፈጣጠሩ እንደተከተለው ኡኩልነትን ነው፤ እንከተል። ከማንም ነገድ ያለፈ ድርሻ አልጠየቅንም፤አልወሰድንም፤ አንወስድም። ሁሉም ሲያልፍለት እኛም ከሌሎቹ ኢትዮጵያ ሕዝቦች አብረን ከአማራው፤ከአሮሞው… እኩል እንድናድግ ነን የምንፈልገውና የምንታገለው። እኩል!
ሌላ ነገር ፈልገን አልታገልንም። በመጨረሻ የመለስ መንፈስ እንንከባከብ! የውድብ/የወያኔ/ መንፈስ እንንከባከብ! ነገሮችን ከፍ እንጂ ዝቅ አድርገን አንመልከት! ወደ ላይ እንውጣ! ወደ ታች አንውረድ! የመለስ መንፈስ ነው ለድል የሚያበቃን! መስመር ነው ሃይላችን! አሸናፊዎች ነን! አመሰግናለሁ!” }

በማለት ንግግሩን ከደመደመ በኋላ ‘አበበ አርአያ’ በተበለው እዚህ አሜሪካ አገር የሚኖሮው የድሮ የወያኔ ታጋይ “እምበር ተጋዳላይ” (እውን /አስደናቂ/ ታጋይ) የሚለውን ዘፈኑን በስሜት የሚጋልቡት በሺዎቹ የሚቆጠሩ አዲስ አበባ ውስጥ የሚኖሩ በሺዎች የሚቆጠሩ (እኔ እንዲህ ያለ የትግሬ የወጣት ብዛት መዲናዋ ውስጥ መኖሩ እጅግ አስገርሞኛል) የወያኔ ትግሬ ተከታዮች እና የወያኔ ወታደር ታጋይ ልጆች እና ዘመድ አዝማድ የወለዳቸው ወጣቶችን በማስጨፈር ለ26 አመት የግንቦት 7 የወያኔ መሳፍንቶች የንግሥና ዘመን የእንኳን አደራሳችሁ እና የቴድሮስ አድሓኖም የደስ አለህ ምረቃ አከባበር ተደመደመ።

እኔም የወያኔዎች የሽምቅ /አሽሙራዊ/ የቋንቋ ውርወራቸውን ተርጉሜ ለወገኖቼ ለናንተው ለማስነበብ ላበቃኝ አምላክ አመስግናለሁ። ሳምንት እንገናኝ።ትዝብቱ ለናንተ።ጨረስኩ!  ጌታቸው ረዳ (Editor Ethiopiaan Semay) getachre@aol.com