ከድጡ ወደ ማጡ የወየኔ ተቃዋሚ ትግሬዎች የተጣዱበት ምርጫ ከጌታቸው ረዳ (ኢትዮ ሰማይ Ethio Semay)

ከድጡ ወደ ማጡ የወየኔ ተቃዋሚ ትግሬዎች የተጣዱበት ምርጫ

ከጌታቸው ረዳ

(ኢትዮ ሰማይ Ethio Semay)

ከድጡ ወደ ማጡ የወየኔ ተቃዋሚ ትግሬዎች የተጣዱበት ምርጫ
ከጌታቸው ረዳ
(ኢትዮ ሰማይ Ethio Semay)

ለብዙ አመታት በፖለቲካው መድረክ የቆያችሁ ዜጎች ስለ የወያኔ ተቃዋሚ ትግሬዎችም ሆነ ስለ ጠቅላላ የትግራይ ብሔረተኞች የፖለተካ አቋማቸው በሚመለከት በርካታ መፅሕፍቶች ማሳተሜን የምታውቁት ነው። ጥቂት የትግራይ ተወላጆችን ሳይመለከት በብዙዎቹ የትግራይ ሊሂቃን ባህሪ የታዘብኩት ነገር ቢኖር አክራሪ ትግራዋይ ጎሰኝነታቸው ሲነጻጸር የዛሬ ኦሮሞ አክራሪ ሃይሎች በቃልም በተግባርም እኩል መሆኖቻውን ነው።

ሁለተኛው የሚያመሳስላቸው ደግሞ-“ ጠላታችን የሚሉት ክፍል ወይንም ገዢ ሃይል ይወገድልን እንጂ ከዚያ የሚብስ ስለማይመጣ የመጣውን እንደግፍ የሚሉ” የጠሉትን ስርዓት ለማብሸቅ ብቻ በእልህ ተነሳሽነት ተነስተው፤ የጥንት ወላጆቻችን “ከጥዱ ወደ ማጡ” የሚሉትን አነጋጋር የሚገልጻቸው ሆነው አግኝቻቸዋለሁ።

በዚህ ወር ውስጥ ገንኖ የሚጠራው በየሚዲያው ብቅ፤ብቅ ማለት የጀመረው ‘ጸረ ምኒሊከነቱ’ ራሱ የሚያወድስና ከፍ ሲልም “ወልቃይት የትግራይ መሬት ነው ስለሆነም ወልቃይትን የሚነጥቅ “ጦርነት እንገባለን፤ ታጠቅ ተወደብ/ተደራጅ” በሚለው መፈክሩ የሚታወቀው “የዓረናው አብርሃ ደስታ” ቦታ የወሰደው “ብልጽግና” የተባለው አዲሱ የኦሮሞ ፋሽቶች ፓርቲ የትግራይ ወኪል ሆኖ “አብይ የተናገረው ትምክሕታዊ ንግግርም ሆነ በሥሩ የሚደረግ የሰብኣዊ ነክ ጭካኔዎችን” መልስ እንዲሰጥበት ሲጠየቅ የአብይን ወንጀል በጀሮው እያደመጠና በዓይኑም በየሚዲያው “እናቶች፤ አባቶችም ወጣቶችም ምሁራኖችም የፖለቲካ እስረኞችም” የሚያስሰሙት ‘እሮሮ’ እያየ አላወቅኩም አልሰማሁም ወይንም “የአብይ የባሌ ኦሮሞ ትምክሕታዊ ንግግሩ ትክክል ነው፤ እምንበታለሁ”፡የሚለን ‘ነብዩ ስሑል ሚካል’ የተባለው አዲሱ የፋሺሰቶች አቀንቃኝ የትግሬ ሊሂቃን ጉዞ ስመለከት ‘ዛሬም’ ከድጡ ወደ ማጡ እየተጓዙ መሆናቸው እየተመለከትን ነው።

ልጁ ዕድሜው ወጣት ሆኖ በትምህርት የበሰለ ነው። በዚህ ሰሞን የኔ ቤተሰብ የሆነ የቅርብ ዘመድ የነብዩን መጽሐፉ እንዳነብብ በፖስታ ልኮልኝ እየጠበቅኩ ነው። አንዳንዶቹ እንደሚሉት ልጁ ከዓድዋዎቹና ከአክሱሞቹ የወያኔ ፖለቲከኞች ጋር በታርክ ንግሥነት እልክ በመጋባት “የዕንደርታዎችን ጉልታዊ/ንጉሳዊ/ የበላይነት ታሪክ” በፉክክር ለማንፀባረቅ እንደጻፈው ይናገራሉ። ለማንኛውም እስካነብበው ድረስ በዚህ ልቆጠብና ወደ ፖለቲካው እናምራ።

በተለያዩ መድረኮች የምታይዋቸው ከትግራይ የተገኙ የአብይ አሕመድ አዳዲስ “ፈረሶች” ብዙዎቹ ወያኔን ሲቃወሙ የነበሩ ናቸው። እነዚህ ልጆች ማየት ያልቻሉት ምንድነው? ለምንስ “ጎምበስ ያለው የወያኔ ስርዓትና አሁን ሥርዓቱን በዘዴ ተቆጣጥሮ በውጭ ሃይላት የተደገፈው የኢትዮጵያን እናቶችና ወጣት ሴቶችን ለዋይታና ለግድያ የዳረገ በአብይ አሕመድ የሚመራው የኦሮሞ መንግሥት ድሮ ወያኔ ሲቃወሙ የነበሩት እነ ነብዩ ስሑል ሚካልም ሆኔ እነ አብርሃ ደስታና (አብርሃ እንኳ የወያኔ ተቃዋሚ አልለውም) እና አንዳንድ የኔ የቅርብ ወዳጆቼም ጭምር በጣም በሚያስገርም ከስተት እና ፍጥነት “የዚህ ሥርዓት” ደጋፊዎች ብቻ ሳይሆኑ “እየተሰራ ያለው ወንጀል ጭምር ሽምጥጥ አርገው በመካድ “እውር ድጋፍ” ሊሰጡ እንዴት ቻሉ የሚለው ጥያቄ በርካታ የስነ ልቦና ምርምር ይፈልጋል።

አንዳንዶቹ በደርግም ሆነ በወያኔ ሥርዓት ሰቆቃ (ግርፍያን/እስራትን) የቀመሱ ናቸው። አብይ አሕመድ ከመጣ ጀምሮ በሥርዓቱ ወታደሮችና ከንቲባዎች ብዙ ሰዎች ታስረው፤ ተፈናቅለው፤ ተደብድበው፤ደብዛቸው የጠፉ ለመሆናቸው በሺዎች የተሰነዱ የሰነድና በቪዲዮ ማስረጃ የተደገፈ ሃቅ ነው። ታዲያ እነዚህ የድሮ የወያኔ ተቃወሚ ትግሬዎች አሁን ደርሰው (ያዛሬው ጭካኔ እና ሕግ አልባ ሥርዓት) የሰዎችን ሰቆቃ እና እምባ ለምን አልታይ አላቸው? የሚለው ሁላችንም ልንነጋገርበት የሚገባ አስገራሚ ክስተት ነው።

እነዚህ ሰዎች ካሁን በፊት በወያኔ የተሰቃዩ ስለመሆናቸው ብያወቁም ለምን “ከሁለት ሥነ ምግባር የጎደላቸው ሥርዓቶች ውስጥ አናሳውን ሰይጣን ሊመርጡ ደፈሩ? ሥርዓት ሲመረጥ በግለሰባዊ ቅራኔ ወይንም ጥላቻ ሳይሆን በመርህ እንደሆነ እነዚህ አሁን አብይን በመደገፍ ላይ የሚገኙ የትግራይ ሊሂቃን ይህ መሠረታዊ መርህ አያውቁም ማለት አይቻልም። ለድጋፋቸው መነሾ የሚሰጡት ምክንያት “እንኳን ወያኔ ተወገደ እንጂ የፈለገው ሰው ይግዛኝ” የሚል ነው። ይህም “ደርግ ይወገድ እንጂ ሰይጣንም ቢሆን ይግዛኝ” ሲሉ ከነበሩት እና የባሰ ሰይጣን በምትኩ እንደተተካ የምናወቀው የቅርብ ታሪክ ነው።

ምርጫቸው “ከመጥበሻው ምድጃ ውስጥ ወደ እሳቱ መዝለል” ከሚለው ጋር ተመሳሳይ ነው። እንዲህ ያለ ምርጫ በወያኔ ተቃዋሚ ትግሬ ሊሂቃን ብቻ አልተወሰነም። እነ ፕሮፌሰር መስፍን ወ/ማርያም “አማራ ሶማሌውን ሽርጣም ሶማሌ ይለው ነበር” እያሉ ጸብ ለማስነሳት ድሮ ጥንት የጻፉትን መጽሐፍ ረስተው ዛሬ “አማራ የሚባል የለም” ብለው ሲከራከሩ “አማራ የሚባለው ሶማሌውን ሲሰድብ ከየትኛው ጠፈር የመጣ አማራ ነበር አማራ እያሉ የጻፉት?” ብለን ስንጠይቃቸው መልስ የማይሰጡ ዛሬ “አብይን ከነ ምናምኑ ካልደገፍነው ለአውሬዎች እንጋለጣለን” እያሉ “አውሬን በአውሬ” የመተካት ትምህርት የሚያስተምሩ ምሁራንም ተበራክተዋል።

ይህ ገልቱነት የሚገርም ነው። “ውሻን ማሳደግ ፈልገህ ቁንጫውን ጠልተህ” የሚባለው አሜሪካዊ የሞኞች አነጋገር ለዚህ ምሳሌ ነው። ውሻውን ስትፈልግ ቁንጫውን ማራጋፍ እና እንዲጸዳ ማድረግም እኮ ይቻላል። ችግሩ ግን ቁንጫውን ለማጽዳት ሲሞከር ቁንጫዎቹን ከነቆሻሻው መነካካት ውሻው ይጮህና የነክስሃል የሚሉ የገልቱዎች መከራከሪያ ነው የጨነቀ ነገር (ልክ የነ ብርሃኑ ፤ልክ የነ መስፍን ወ/ማርያም፤ ልክ የነ አንዱአለም አራጌ፤የሺዋስ አሰፋ፤ ዶ/ር ዳኛቸው ተሾመ፤ተማኝ በየነ እና አል ማርያም…ወዘተ መከራከሪያ) የሚገርም ነው።  

የሚገርመው አብይን ለመቃወም ከወያኔ ያልተናነሰ ያውም ባንዳንድ ድርጊቶች የከፋ ወንጀል ተፈጽሟል። ይህ ሰው አሸጋጋሪው “እኔ እና እኔው ብቻ ነኝ” የሚል የድረዉ የኡጋንዳው “ኢዲ አሚን ዳዳ” የሚመስል ባሕሪ የተላበሰ” ሰው በጭፍን ያለመቃወም “መደገፍ” ስንመለከት የምንጠይቀው ጥያቄ’ ከወያኔና ከጀረመን ናዚ ደጋፊዎች ብምን ይለያል?

አዲስ አበባ በሚዲያ ላይ ያለ ምንም ሰቀቀን በድፍረት ወጥተው ለ3000 አመት እንገዛችኋለን የሚሉን (እነ ሌንጮ ባቲ) የአብይ የፖለቲካ አማካሪና አዲስ አባባ የኦሮሞዎች ናት ብሎ በኬኛ ፖለቲካ መግለጫ የለጠፈው የአብይ አሕመድ ፓርቲ (“የኦሮሞ መንግሥትን”) መቃወም ወደ ከፋ ሁኔታ እንገባለን እያሉ፡ “አያ ጅቦን አትነካኩ” የሚሉ የፋሺዝም ደጋፊዎች “ዛሬ ሁለት አመት ሙሉ እናቶች ሲያለቅሱ ወንዶች ብልታቸው በገመድ ታስረው የኋሊት ሲጎተቱ እያለቀሱ ለሕዝብ ሲገልጹ ያለመቃወም ከሞራልም ከሕግም ተቀባይነት የለውም።

ይሁን እንጂ አሁን አብይን በመደገፍ ላይ የምናያቸው ትግሬዎች ከወያኔ ጥላቻቸው ውጭ አብይን በሞራልም በሕግም የሚደግፉበት ነጥብ የለም።

አብይ ማለት መለስ ዜናዊ ነው፤ መለስ ዜናዊ ማለት አብይ ነው፤ወያኔ ማለት ኦሕዴድ/ኦዴፓ/ ማለት ነው። የትግራይ ተወላጆች ወያኔን ስትደግፉ 27 አመት ኢትዮጵያን ለመከራ ያጋለጣችሁት እንዳይበቃ፤ ዛሬ ደግሞ በወየኔ ደጋፊዎች እግር የተተኩ “የኦሮሞ ፋሺስታዊና አፓርታይዳዊ መንግሥት” ደጋፊዎች የሆናችሁ የትግሬ ሊሂቃኖች እባካችሁ ለሁለተኛ ዙር “ፋሺስዝምና አፓርታይዳዊ ሥርዓት” እንዳታነግሱብን ዛሬም ጥሪ አቀርባለሁ።

አመሰግናለሁ
ከጌታቸው ረዳ
(ኢትዮ ሰማይ Ethio Semay)