አንድ አመት ከስድስት ወር በፊት ስለ ፋኖ ተጠይቄ የሰጠሁት መልስ ትክክል ነበርኩ!
ከጌታቸው ረዳ
11/7/26
ከአዲሰ ደምጽ አዘጋጅ ከወንድሜ አበበ በለው የተጠየቅኩት ጥያቄ የሰጠሁት አስተያየት በዛው መልስ የአንዳንድ ሰዎች ስም ከፋኖ ጋር ተያያዢነታቸው ጠቅሼ ስለነበር እዚህ
ላይ መጥቀሱ አሰፍላጊ ሰላልሆኑ እነሱን አስቀርቼ ፋኖን ብቻ የሚመለክት ነጥብ አቅርቤአለሁ። እነሆ፦
ከጌታቸው ረዳ
(Ethiopian Semay ድረገጽ አዘጋጅ)
4/4/25
ሰላም አቤ፡
በስልክ እንዳናግርህ ስለ ጠየቅከኝ፤ዛሬም በስልክ ላናግርህ ባለመቻሌ ዛሬም ከፍተኛ ይቅርታ እየጠየቅኩህ፤ ስለ አምሐራ (ፋኖ እንቅስቃሴ) ፤ ስለ ትግራይ ሁኔታ እና ስለ አብይ ያለኝን ሃሳብ እንዳካፍልህ ስለጠየቅከኝ እያመሰገንኩ ባጭሩ ሃሳቤ እንደሚከተለው ነው፡
1) ስለ ፋኖ
2) ስለ ፋኖ እና ትግራይ ግንኙነት እንዲሁም ስለ ትግራይ ሁኔታና ኤርትራ ጉዳይ…. በዚህ ልጀምር፡-
የፋኖ አነሳስ ግልጽ ነው። <<አምሐራ ለ50 አመት ሕልውናው ጥያቄ ውስጥ ስለገባ ብቻ ሳይሆን፤ የዘር ማጥፋት ወንጀል <<እንደ ሰው ፤ እንደ ዜጋ፤ በክብሩ፤ በሕይወቱና በኑሮው>> ሆን ተብሎ በመንግሥት (በኦሮሞ/በትግራይ) አክራሪ ፖለቲክኞች በታቀደ መንገድ ጥቃት ተፈጽሞበታልና ያንን ለማሰቆም በስንት ቅስቀሳ ቀስቅሰን ወጣት አምሐራና ምሁር <<ተነስ ራስክን ተከላከል፤ ሕዝብሕንም ከአደጋ ተከላከል> ብለን ወጣቱና ሚዲያው ስንቀሰቅሰው “እምቢ ብሎን” በመጨረሻ ጽዋው ከሞላ ቢቆይም “ጽዋው ሞልቶ መሰለኝ” ወደ ጫካ ጠመንጃ ትግል ገባ። ይህ በኔ በኩል ስመኘውና ስቀሰቅሰው የነበረ ምኞቴ ስለነበር በዚህ ረክቻለሁ።
ፋኖ ጫካ ከገባ ወዲህ ግን የተስፋየንበት ተስፋ ሳይሆን ቀርቶ <<በብሐረተኛነት ርዕዮት የተመራ >> “ለስም ገናናነት” “በትንንሽ ጭንቅላቶች” እየተመራ፤ እርስ በርስ በክ/ሃገርና በአብሮ አደጌነት ተቧድኖ መዘላለፍ፤ መተራመስና መገዳደል ጀመረ። ባጨሩ ተነሳ ሲባል “ዘጭ አለ! ተዳከመ!”
እስካሁን ድረስ መላውን “ክልል” ቀርቶ አዲስ አበባን ከብቦ ማስጭነቅ ይችል የነበረው ዕደል ሳይጠቀምበት ቀርቶ በሚገርም ሁኔታ ጠላት ካዳከመው ይልቅ እራሱ በተከተለው ባሕሪ ትግሉ እንዲረዝም ምክንያት ሆነ (ለዚሀ ሁሉ ከስተት በተለይ የጎጃም “ዘመነ ፋኖ” በተባለው የመንደር አጉራ ዘለል የሚመራ ታጣቂ ምከንያት ነው)።
አሁንም ከጎጃም ፋኖ ሳልወጣ “ቀዳሚው ለድክመቱ ተጠያቂ ድርጅቱንና የአምሐራ ሕልውና ከወደቀበት አደጋ ለማላቀቅ ይተጀመረው ትግል ጠልፎ በራሱ የዝና አጥር ውስጥ እንዲቀረጽ ምክንያት የሆነው ግለሰብ አስቀድሜ የጠቀስኩት <<ዘመነ ካሴ>> የተባለውና ምክትሉ (አስረስ ማረ) ናቸው።
እነዚህ ግለሰቦች አምሐራን ለማዳን ጠመንጃ ታጥቀው ቢወጡም “ያሳዩት ባሕሪ ግን” የትግሉን ፈር የሳተ “ከወያኔ” ጋር ለመስራት ነውር እንዳልሆነ በምክትሉ አንደበት የተነገረ “ጠላትን ወዳጅ ፤ወዳጅን ጠላት” አድርጎ የሚፈርጅ ፖሊሲ መከተላቸው በትግሉ ሕይወት ላይ አደጋ የሚጥል፤ንጹሃን መምህራንና አዛውንቶች እያፈነ መግደሉን አሁንም የዘመነ ምክትል በቃሉ ሲናገር ሰምተናል።
ከግለሰቡ (ከዘመነ ካሴ) የጎጃም ጫካ መንግሥትነት (አጉራዘለልነት) ውጭ የሆኑ “ገጠሮችም” ሆኑ “በሥሩ ያልሆኑ የፋኖ ታጣቂዎችን” እና በአካሄዱ የተለዩት “ግለሰቦች” “ጋዜጠኞች” “ምሀራንና” “ታጣቂዎች” እያፈነ ማሰር፤ ማሰቃየት፤ ሽማግሌዎችና ቀሳውስት እንዲሁም እናቶች በእምብርክክ እያስኬደ አንዳንዱንም መረሸኑን በፎቶ የተደገፉ ማስረጃዎችም አሉ። ምንም ይሁን ይህ አስዛኝ ትርኢት ለአማራ ሕዝብ ቅስም የሚስብር ነበር።
ከዚያ አልፎ ለብዙዎቻችን ያስደነገጠ “የዘመነ ካሴ አጉራዘለል ባሕሪ” በምርጫ መሸነፉን ሲያወቅ ፤ ለአንደነት የተሰበሰቡትን የፋኖ አመራሮች ሁሉ እንዲበተኑ ምክንያት በመሆን ምንም ያልበደለውን ምስኪኑ “እስክንድር ነጋ” ላይ ከአሳንስ የስድብ ውርጅብኝ አልፎ <<የመግደል ዛቻ>> መሰንዘሩ ትግሉ <<በዚህ የጫካ በጋሚዶ አምራር መክንያት>> ትግሉ መጠለፉን ማመንና ትግሉ “አንድ እርምጃ ወደፊት ሊሄድ የሚገባው ትግል ሦስት እርምጃ ወደ ሗላ ጎትቶታል”። ይህንን ማመን አለብን።
ወንድሜ አበበ ሆይ!
ቅር ሊልህ የሚችል ከሆነ ይቅርታ አድርግልኛና “ዘመነ ካሴ ማለት” የፋኖ ታጋይ ሳይሆን <<ከተራ ወረበላ ታጣቂ ባሕሪ ያልተሻለ ለትግሉ እንቅፋት ነው ብየ ደምድሜአለሁ>>። ልጁ ዕብሪተኛነቱ መጠን ያለፈ ስለሆነ በናርሲስት “ኢጎ” የተወጠረ በመሆኑ በሚሰጠው ትችትና ምክር የሚስተካከል አይደለም።
እኔ እንደ ትግራይ ተወላጅነቴ የትግራይ ፋሺስት መሪዎች ባሕሪ ከውልደታቸው እስከ ሞታቸው ድረስ ያለው ባሕሪያቸው ሳይሰልቸኝ አጥንቻቸዋለሁ። በጎጃሙ ዘመነና ምክትሉ ተመሳሳይ ባሕሪ አይቻለሁ። ዘመነ “ኢሳያስ አፈወርቅን” የሚመሳስል “የከረረ ዝና ፈላጊነት፤ ራስ ወዳድነትና አምባገነናዊ ጭካኔን” ያንጸባርቃል። ይህ ወጣት “የፋሺዝም ባሕሪ ያጠቃው የትግሉን ምንነት በቃላት እንጂ ሥራ ላይ እንዴት እንደሚተገበር የልተረዳው እጅግ ዕብሪተኛ ነው” ብየ ደምድሜአለሁ።
ይህ ያልተገራ ባሕሪው የ70 ዎቹ ባሕሪ ያስታውሰናል። እሰክንድር ላይም ሆነ በሌሎቹ ሰዎች የማፈን ፤ የመግደልና የማስፈራራት ባሕሪ የልጁ “ነጋሪ ባሕሪ” ነው። በዚህ አልተወሰነም። ይህ ሰው ትዕቢት የወጠረው <<አምሐራዊ ብሔረተኛ ፋሺሰትም>> ነው።
ብዙ ጽሑፎች ይህንን በሚመለከት ስለጻፍኩ ያንን በድረገጼ ብታየው ጥሩ ነው።
አክራሪ ብሔረተኛነቱ አጅግ ስለበረታበት <<ሥልጣንና መሪነት የሚተረጉመው “ሲወለድ ከእናቱ ማሕጸን እና ከዘሩ በሕልምም በውንም የመጣ ነው ብሎ ደምድሟል። ይህ ዓይነተኛ የፋሺዝም ምግለጫ ዋናው ምልክት ነው። የፋኖ መሪነት በራሱ ሥር ብቻ የሚንቀሳቀስ ታጣቂ ካልሆነ ሌላ ታጣቂ አካባቢው ላይ እንዲኖር እንደማይፈቅድና እንደማይራራለት “ጥይት ብያልቅበትም
በእሳት ሁሉ እያቃጠለ እንደሚፈጃቸው ጭምር ተናግሯል” ። ይህ አባባል ከአብይ አሕመድ ንጉሥ የመሆን ምኞትና ጭካኔ የተለየ አይደለም።
የዚህኛው እንዳውም “መሪነትንና ንግሥና በሕልም ትንግርት የሚነገር ፤ ከማህጸን እና ከዘረመል (ከDNA) የሚገኝ ነው ብሎ የሚያምን Typical የናዚዎች” ባሕሪ በመሆኑ የጎጃሙ የዘመነ ካሴ ፋኖ ለቃላቴ ቅር ካላለህ <<የአምሐራ ፋኖ እንቅስቃሴ የፋሺስት ብሔረተኛ>> ትግል ወደ መሆን ቡቃያው እየበቀለ ነው የሚል እምነት አለኝ።
ልጁ ላደረገው ጥፋት (ወንጀል) እና አካሄዱን አምኖ እርማት ካልወሰደ (በጨዋ መልክ ስለ ትግሉ ብሎ ሸብረክ ይላል የሚል እምነት የለኝም) እሱ የሚመራው አመራር ከጥቅሙ ይልቅ ጉዳቱ ሊያመዝን እንድሚችል
እውን ነው። በግልጽ ለመናገር፤ድርጅቱ በዕብሪት የተወጠሩ “የልዕለ ጎጃሜነት ስሜት” ያሰከራቸው ግለሰቦች ስለሚመሩት ፤ ድርጅቱ እንዴት እንደሚስተካከል ሳስበው ለኔም ያስጨንቀኛል። ስብራቱ ሰፊ በመሆኑ ጽናቱን ይስጣችሁ ስል እያዘንኩ ነው!
ስለ ወሎ ፋኖ አንድ ነገር ልበል፡
የወሎ ፋኖ የሚዘወረውና የተጠለፈው አሁንም በዘመነ ካሴ ስለሆነ የወሎ ፋኖ ጤንነት ሊሻል የሚችለው ድርጅቱ ከዘመነ ካሴ አላቅቆ እስክንድር ነጋ ጋር “የትግል - ዕርቅ” ካልፈጸመ ይባስኑ ከጎጃም ፋኖ አመራር በባሰ መልኩ በአውራጃዊነትና በሃይማኖት ውጥረት ወሎ ውስጥ መግባቱ አይቀሬ ነው፤ (ኦል ረዲ ምልክቶች እያየሁ ነው)።
ወሎ ውስጥ በፋኖ “ምሕረት ወዳጄ” (ምሬ ወዳጆ) የሚመራው “ፋኖ” ሳጥናው፤ ሰውየው “የፖለቲካ ሀ ሁ” ስለማያውቅ እስክንድር ላይ እጅግ የከረረ ጥላቻና ስም በማጠልሸት ዘመቻ ተጠመደ ማሃይም ግለሰብ ስለሆነ የዘመነ ቅርንጫፍ ወሎ ላይ በቅሎ ታያለህ። የተግረምኩበትና የደነገጥኩበት አንድ የቅርብ ክስተት ደግሞ የሚከተለው ነገር ነው። “መአዛ መሐመድ” ትባላለች (ጋዜጠኛ) የምሬ ወዳጆ ያገሩ ልጅ ነች። ታዲያ ልጅቷ እዚህ አሜሪካ ትኖራለች
እንዲህ ስትል በፌስ-ቡክዋ ጽፋለች፡
«ሌላ የፋኖ ድርጅት ወሎ ውስጥ መኖር የለበትም፤ ከነ የምሬ ወዳጆ ፋኖ ውጭ “መጨፍጨፍ አለበት” ብላለች እንዲህ ስትል «በህልውና ትግል ውስጥ የሃሳብ ልዩነት በሚል ማጭበርበርያ አይሰራም፤ በአንድ ቀጠና አንድ አደረጃጀት ብቻ ነው መኖር ያለበት» ብላለች።
ምሬ ወዳጆ ማሃይም በመሆኑ ይህች «ደም የጠማት» ጋኔል ሴት የምትሰብከውን ሁሉ ስለሚሰማ በሌሎቹ ፋኖዎች ላይ ቶክስ በመክፈት ትግሉ ፈሩን ለቆ ወደ እርስበርስ መጠፋፋት እንዳይገባ እሰጋለሁ።
እንደ እነ ምሬ ወዳጆ <በደመነብስ> የመሳሰሉ በደመ ነብስ የሚጓዙ ሰዎች ስለሆኑ፤ ሚዲያዎች እንዲህ ያሉ “በደመነብስ” የሚጓዙ ፋኖዎች ለምሳሌ እንደ የጎንደሬው <<ሽማግሌው መሳፍንት>> እና <<በሚስቱ በኩል የተጠለፈው በፋኖ ውስጥ የሻዕቢያና
የወያነ ወኪል ብ/ጀነራል ተፈራ ማሞ>> የመሳሰሉትን ሚዲያዎች እነዚህን ማራቅ አለባቸው (መጋበዝ ከተፈለገም ስለ ውግያ ማብራሪያ እንዲሰጡ በሚመለከት ካልሆነ በስተቀር ስለ ድርጅታቸው ያለው ሁኔታና ፖለቲካ እንዲናገሩ መፍቀድ ከጥቅሙ ጉዳቱ ያመዝናል)
ስለ ሸዋ ፋኖ በሚመለከት፤
ሸዋ ወስጥ ሁለት ፋኖ ያለ ይመስለኛል። አንዱ እስክንድር ውስጥ ያለው ሲሆን ሌላው ማን እንደሚመራው አላውቅም (ግን ያው ልክ እንደ ወሎው በዘመነ ካሴ የተጠለፈ ድርጅት ነው የሚል ግምት አለኝ። እና ስለዚህ ድርጅት ብዙም የምለው የለኝም)።
ስለ እስክንድር
ስለ እስክንድር ግን እንደምታውቀኝ ሁሌም እኔ እስክንድር ማለት በጨለመቺው ሃገር የሃገሪቱ መብራት ሆኖ ለሌለው እያበራ ለራሱ እየተቃጠለና እንደ ሻማ እየቀለጠ ያለ አስገራሚ የዘመናችን አርበኛ ነው ከማለት ብዙ አልሄድበትም። በዚህ ሰው ላይ እየደረሰ ያለ የስም ማጥፋት ዘመቻ በትግል ዘመኔ እንደ እስክንድር ያለ <<የተከዳ የሰው እየሱስ>> አይቼ አለውቅም።
ባጭሩ እግዜር ከክፉ ይጠብቀው ብየ ስደመድም።
ወደ ሌላው ርዕስ ከመግባቴ በፊት ስለ ፋኖ አጠቃላይ አንድ ነገር ልብልና ልደምድም።
ፋኖ አሁን ካለበት ችግር ለመውጣት እያቆጠቆጠ ያለው <<ከአምሐራዊ አክራሪ ብሔረተኛነትና አውራጃዊ/ክ/ሃገራዊነት>> ስሜት እራሱን ማላቀቅ አለበት። ይህ ክስተት እየታየ መሆኑን ማመን ለእርማቱ አንድ መንገድ ጠራጊ ነው። አድበስብሶ ከታለፈ ብሔረተኛነት አደጋ ስላለው በጥንቃቄ ቢታይ እላለሁ።
ብሔረተኛ መጀመሪያ የሚበለው እራሱ ነው። ለዚህ ነው <<የአምሓራ ብሔረተኛነት>> <<ብሔረተኛ ነኝ>> ብሎ ራሱን ስላሳመነና ስለሚከተል <<ንጹሕ አምሐራና የአምሐራ ጭምብል ያጠለቀ አምሐራ መሳይ>> እያለ እርስ በርስ እየተናቆረ ያለው። የብሔረተኛነት መጨረሻው ማረፊያው የት ነው ብትለኝ፤ ልክ የወያኔዎች ዕድል ይገጥመዋል።
አምሐራው ለሕልውና ቢታገልም ወያኔ በቀደደለት የብሔረተኛነት ስሜት መግባትና መቀስቀስ የለበትም።ሥርዓቱ ፋሺስት ስለሆነ ትግሉ የሕልውና ትግል ሆኖ ሃገር በቀል ጸረ ፋሺዝም ትግል ነው ፋኖ ራሱን መምራት ያለበት (ድርብ ጭቆና እና ድርብ ትግል)። እኔ አምሐራ ብሔረተኛ ነኝ ካልክ ጨዋታው እና ምቱ ይቀየራል ማለት ነው። ብሐረተኛ ውጫዊውን (አካባቢውን) እንደ ራሱ አይመለከትም። ቀስ እያለ እየጠበበ ወደ ውስጥ ብቻ ነው እንደ Snail ወይንም እንደ ኤሊ ወደ ውስጥ የሚሸመረረው።
ተጨማሪ ነጥቦች
ችግር እየፈጠረ ስላለው ዘመነ ካሴ እንዴት ይሰተካከላል የሚለው በኔ አስተያየት ልጁ ባንድ አጋጣሚ ራሱ ከትግሉ ካላገለለ (የማይታሰብ ቢሆንም) በጦርነት ወይንም መገመት በማልችለው አጋጣሚ ሕይወቱን አጥቶ ከትግሉ ካልተላቀቀ፤ ልጁ ትዕቢተኛና ደም የጠማው “ችግር ፈጣሪ” ነውና <<አሁንም
ጽናቱን ይስጣችሁ>>።
ሌለው ሜዳ ላይ የሚታገሉ የፋኖ ተመራቂዎችና ጠቅላላ ለሕዝብ ስብሰባ ንግግር የሚያደርጉ ብዙዎቹ ያደመጥኳቸው በሙያቸው “ወታደሮች/ ኮማንዶዎች/ የነበሩ በአምሐራነት “ዕብሪት” የተወጠሩ ትምክሕት ከምላሳቸው እንደ ውሃ የሚፈስ ጠባብ ብሔረተኛነትን የሚሰብኩ “የፖለቲካ ዕውቀት” የሌላቸው “ምሊታንት” ብቻ ሆነው አይቻቸዋለሁ። ብዙዎቹም በድምጽ የተናገሩትን የቀዳሁዋቸው ብትሰማ ትሸማቀቃለህ። ስለዚህ እነዚህ በወታደራዊ ስልጠና ብቻ እንዲያሰለጥኑ እንጂ በሕዝብ ፊት ወይንም ለታጣቂዎች የፖለቲካ ትምሕርት እንዲሰጡ ባይደረግ ጥሩ ነው።
እያልኩ ስለ ፋኖ እና ትግሬዎች (ወያኔዎች) ግንኙነት ስለጠየቅከኝ አንድ ነገር ልብል፡
ፋኖዎች ማዶ ካለው ሕዝብም ይሁን ድርጅት ከማተኮር መጀመርያ ራሳቸውን አጥርተው ወደ ማዶ መመልከታቸውን ተቆጥበው ቅድምያ በራሳችወ ዙርያ ቢሰጡ ጥሩ ነው። እርስበርስህ አንድ ሳትሆን ከሌላው ጋር አንድ ልሁን ብሎ መቃዠት ለአሳር ውይንም ከቅዠት ያላለፈ (ጨቅላነትም ነው)::
ወያኔዎችም ሆኑ ትግሬዎች ስለ ፋኖ ያላቸው አመለካከት ስለጠየቅከኝ ጉዳይ፤-
ትግሬዎች /ወያኔዎች/ (ትግሬዎች ስል ሕዝቡ የሚመራውና የሚያመልከው ወያኔ ስለሆነ አንድም ሁለትም መሆናቸው ስናገር የማይጥማቸው ሰዎች አሉ- ያ ግን ብዙ ጊዜ ከተነተንኩት ትንታኔ ውጭ ያፈረሰው ሌላ ማስረጃ የለምና የመጠራቸው በዛው አቋሜ ነው ። በዙዎቻችሁ በዛው አጠራር ሰልማታመኑ ሰልማውቅ ይህንንም ላብራራልህ ከፈልግክም ሌላ ቀን በሰፊው ልልክልህ እችላለሁ፤
ትግሬዎች ፋኖን የሚመለከቱት እንደ <<ሌባ፤ ማይካድራ ላይ ትግሬን የጨፈጨፈ የወንጀለኞች ስብስብ፤ የጠላት ድርጅት…» እያሉ ነው የሚመለከቱት እንጂ እንደ የወዳጅ ድርጅት አያዩትም።
እነሱ ግን (በተለይ የጎጃም ፋኖ መሪዎችና ወሎ ያለው የጎጃም ንኡስ ክፍል) ወያኔን ወዳጅ እንጂ ጠላት አድረጎ አይመልከተውም።
ለዚህም የትግሬዎቹ (በተለይ ምሑሩ እና ድርጀታቸው ወያኔ) ፋኖን የሚያነጣጥሩበት ምክንያታቸው፤ አንደኛ “ፋኖ” የአምሐራ ድርጅት ነው። ስለሆነም አምሐራ ማለት የትግሬ ጠላት ነው ብለው ለዘመናት የተሰበኩበት ርዕዮት ስለሆነ ድርጅቱ (ፋኖን) እንደ ተቀናቃኛቸው ያዩታል።
በከፋ መልኩም አምሐራ አንዲደራጅና ታጥቆ እንዲያዩት አይሹም፤ ምክንያቱም ለመገንጠል አጀንዳቸውም ሆነ “አገር ሲሆኑ” ወደ ሱዳን በር መውጫ ሊጠቀሙበት የወረሩት የወልቃይት መሬትና አካባቢው አምሐራዎች ከታጠቁ እንቅፋት ይሆንብናል የሚል ጠንካራ እምነት አለቸው።
አምሐራዎች የዋሕነታቸው ይገርምኛል። ወያኔዎች ፤ሻዕቢያና ቡችላዎቻቸው አምሐራዎች እንኳን መታጠቅ ቀርቶ ጭራሽ <<አብይ አሕመድ>> ፋኖን እንዲያጠፋላቸው ከፍተኛ ምኞታቸው ነው። ልብ ብለህ ከተከታተልካቸው “የልብ” <<ግንኙነታቸው>> ከኦብነግ ፤ ከኦነግ እና ከአገው ሸንጎና ከመሳሰሉት ጸረ አምሐራ ድርጅቶች ጋር ነው። እነዚህም የሚፈልጓቸው “ፋኖን” ለማዳከም ተጨማሪ ሃይል ነው ብለው ስለሚያምኑ ነው።ፋኖ ግን ከወያኔ /ከትግራይ እና ሻዕቢያ/ ኤርትራ ዕልቂት በፊት የአምሐራ ሕዝብ ማለቅ አለበት ባይ ነው።
ስለዚህ ፋኖ መደራጀትና መታጠቅ ማለት <<የትግሬዎች ሃገርነት>> እንቅፋት ነው ብለው ስለሚያምኑና እንደልባቸው የአምሓራን ሕዝብ ወደ ድምበሩ እየገቡ እንደዘወትሩ መዝረፍም ሆነ ለማሸማቀቅ፤ እንደማይችሉ ስለሚያውቁ፤ በተቻላቸው ሁሉ <<ፋኖን>> እንዲኮላሽ ወይንም ወደ እነሱ መሳብ ምኞታቸው ነው።
ትግሬዎች አምሐራንና ፋኖን የሚያዩት <<የነዚያ የማረክናቸው ልጆች>> የነፍጠኛ ልጆች ከማለት አልፈው አዲስ ስም ሰጥተው <<ፎጣ ለባሽ>> <ጨፍጫፊ>>
<<ዘራፊ>> እየሉ ስም በማጥፋት እንደ ነፃ አውጪ ሳይሆን እንደ ዘራፊ እንዲታይ የአብይ አሕመድ ፕሮፓጋንዳ ህያው እንዲሆን የሚፈልጉ ናቸው።
እናንተ አትሰምዋቸው እንደሆነ አለውቅም እንጂ ምሁራኖቹ ሁሉ በዚህ ተጠምደዋል (ጥቂቶቹ አብይ አሕመድን ለማዳከም ፋኖ አንፈልገዋለን ብለው በታክቲክ እዚህም እዚያም ሊኖሩ ይችሉ ይሆናል፤ ብዙዎቹ ግን ጸረ ፋኖ ናቸው)።
የሚያሳዝነው ግን ምንጩ ባላውቀውም የወያኔ ዘፈኖች ወደ ፋኖ ለውጠው ሲዘፍኑና የፋኖ መሪዎች ፎቶ ሲለጥፉበት አይቻለሁ።ያ በጣም የወረደ የበታችነት ስሜት የሚያሳይ የብሔረተኛ ባሕሪ ማሳያ ነው።ይህንን
እና በዙ መለክቶችን ሰንመዝን ፍኖም ወደ መለጠፉ እያዘነበለ ነው።
ባጭሩ ትግሬዎች ስለ ፋኖ ያላቸው አመለካከት ፋኖን (አምሓራን) የሚያዩት እንደ ኢትዮጵያዊና ኢትዮጵያን ለማቆየትና ለማጠናከር የቆመ ድርጅት ነው ብለው ስለሚያምኑ ፤ አሽከሮቻቸው ለማድረግና ትግሉን ለማኮላሸት ካለሆነ በስተቀር የሚጠልዋትን ኢትዮጵያ ሳይወዱ ፋኖን የሚወዱበት ምክንያት አይታየኝም። ወያኔዎች ኢትዮጵያ የሚባል ክርና ማግ ሁሉ እንዲበጣጠስ ይፈልጋሉ፤ዓላማቸውም ያ ነው።ለዚህም ነው ኦነጎችን፤ አገዎችና ቅማንቶችን እሽሩሩ ብለው ለ50 አመት የቆዩት።
ወንድምህ
ጌታቸው ረዳ Ethio Semay
